تاسقىن سۋ قامىس-سامار، جالتىركول، سوركول، ورىسقوپا، ەدىلسور، قوعالى، يتباتىر، ءبىرقازان، قيسىققامىس، اتپۋت، تاسوڭعار، ساعىرباي، جاڭاتالاپ، وتەگەن، ەدىگە، ايدىن، سارى ايدىن، قاڭباقتى، قازىباي-1، قازىباي-2، كوكتەرەك كولدەرى مەن مۇقىر، قوڭىرساي، قۇيرىقساي وزەندەرىنە جىبەرىلدى، دەپ حابارلايدى aqshamnews.kz.
سونداي-اق جايىق-كوشىم مەن قوس وزەن جۇيەلەرى ارقىلى 18 مىڭ گەكتاردان استام شابىندىق جەر سۋلاندى. بۇل ءوڭىردىڭ ەكولوگيالىق جاعدايىن جاقسارتۋعا جانە شارۋالاردى قاجەتتى مال ازىعى قورىمەن قامتاماسىز ەتۋگە مۇمكىندىك بەرەدى.
جىل باسىنان بەرى جايىق وزەنىنەن جايىق-كوشىم سۋارۋ-سۋلاندىرۋ جۇيەسىنە 307 ملن تەكشە مەتر سۋ جىبەرىلدى. ونىڭ 124 ملن تەكشە مەترى تاسقىن سۋ. بۇگىنگى تاڭدا جايىق-كوشىم سۋارۋ-سۋلاندىرۋ جۇيەسىندەگى كاسكادتى سۋ قويمالارىندا 188 ملن تەكشە مەتر نەمەسە 72% سۋ جينالدى.
ال شاعان سۋ قويماسى سۋ تاسقىنى كەزەڭىندە 100% تولىپ، 19،1 ملن تەكشە مەتر سۋ جينادى. بۇل سۋ ورال قالاسىنىڭ كاسىپورىندارىنا، ساياجاي قوعامدارى مەن شارۋا قوجالىقتارىنا كەلىسىمشارت نەگىزىندە بەرىلەدى.
«باتىس قازاقستان وبلىسىندا كوكتەمگى سۋ تاسقىنى كەزەڭى ءقاۋىپسىز ءوتتى. فيليالعا قاراستى سۋ شارۋاشىلىعى نىساندارى تاسقىن سۋىن ءقاۋىپسىز وتكىزۋدى قامتاماسىز ەتىپ قانا قويماي، ونى وزەن-كولدەرگە، جايىلىمدىق، شابىندىق جەرلەرگە باعىتتادى. سونداي-اق جازعى-كۇزگى كەزەڭدە جەرگىلىكتى شارۋا قوجالىقتارى مەن ءوندىرىس وشاقتارىن سۋمەن قامتۋ ءۇشىن تاسقىن سۋىن قويمالارعا جينادى»، - دەدى باتىس قازاقستان وبلىسىنىڭ «قازسۋشار» فيليالى ديرەكتورى مىندەتىن اتقارۋشى راۋان حۋساينوۆ.