الماتى قالاسىنداعى №92 ليسەيدە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى جانىنداعى مەملەكەتتىك قىزمەتتەردى كورسەتۋ ماسەلەلەرى جونىندەگى ۆەدومستۆوارالىق جۇمىس توبىنىڭ كەزەكتى وتىرىسى ءوتتى.
جيىنعا دەپارتامەنت باسشىسى شىناراي ءالىمحان باستاعان ۆاجت مۇشەلەرى، الماتى قالاسى ءبىلىم باسقارماسىنىڭ ورتا جانە قوسىمشا ءبىلىم بەرۋ ءبولىمىنىڭ باسشىسى اقمارال ايتۋاروۆا جانە 8 اۋداننىڭ ءبىلىم مەكەمەلەرىنىڭ وكىلدەرى قاتىستى.
وتىرىستىڭ كۇن تارتىبىندە الماتى قالاسى ءبىلىم باسقارماسىندا جۇرگىزىلگەن جوسپارلى تەكسەرۋ ناتيجەلەرى مەن ءبىلىم بەرۋ ۇيىمدارىنا وقۋعا قابىلداۋ بويىنشا مەملەكەتتىك قىزمەت كورسەتۋ بارىسى قارالدى. جۇمىس توبى ءبىلىم باسقارماسىنىڭ ەسەپتەرىمەن تانىسىپ، الداعى ماۋسىم ايىندا 1-سىنىپقا قۇجات قابىلداۋ ماسەلەلەرىن جان-جاقتى سارالادى. وسى رەتتە اقمارال تولەگەن قىزى اتا-انالارعا قاجەتتى اقپاراتتاردى قامتيتىن مازمۇندى سلايد كورسەتىلىم ۇسىنىپ، قابىلداۋ ءتارتىبىن ەگجەي-تەگجەيلى ءتۇسىندىردى.
وتىرىس بارىسىندا مەملەكەتتىك قىزمەت كورسەتۋ ساپاسىن ارتتىرۋ، حالىققا ءتۇسىندىرۋ جۇمىستارىن كۇشەيتۋ، سونداي-اق مۇگەدەكتىگى بار ازاماتتارعا قولايلى جاعداي جاساۋ، ينكليۋزيۆتى ءبىلىم بەرۋگە بەيىمدەلگەن مەكەمەلەردىڭ سانىن ارتتىرۋ سەكىلدى ماڭىزدى ۇسىنىستار ايتىلدى. سونىمەن قاتار، قامقورشىلىققا بايلانىستى ءبىرقاتار ماسەلەلەر كوتەرىلىپ، قاتىسۋشىلار ءوز پىكىرلەرىن ورتاعا سالدى. ۆەدومستۆوارالىق جۇمىس توبى بارلىق ۇسىنىستاردى نازارعا الىپ، بولاشاقتا جۇزەگە اسىرۋ ءۇشىن ناقتى شارالار قابىلداناتىنىن جەتكىزدى.
جيىن قورىتىندىسى بويىنشا ءبىلىم بەرۋ سالاسىنداعى مەملەكەتتىك قىزمەتتەردىڭ اشىقتىعىن، قولجەتىمدىلىگىن جانە تيىمدىلىگىن ارتتىرۋ باعىتىندا جۇمىستى جالعاستىرۋ مىندەتى قويىلدى. بۇل باعىتتاعى ۇيلەسىمدى شارالار الداعى ۋاقىتتا قالا تۇرعىندارىنىڭ مەملەكەتتىك قىزمەتتەردى الۋ پروسەسىن ايتارلىقتاي جەڭىلدەتۋگە ىقپال ەتپەك.