3 مامىر تۇنگى ۋاقىتتا مەگاپوليستە نايزاعاي ويناپ، قالادا سولتۇستىك-باتىستان سولتۇستىك- شىعىسقا قاراي قاتتى جەل سوعادى.
ونىڭ جىلدامدىعى سەكۋندىنا 18 مەترگە دەيىن جەتەدى. بۇل تۋرالى الماتى قالاسى تجد حابارلادى.
سوندىقتان توتەنشە جاعدايلار دەپارتامەنتى قالا تۇرعىندارىنا كولىكتى اعاشتىڭ استىندا قالدىرماۋعا كەڭەس بەردى. ودان بولەك:
– سىرتقا قاجەتتىلىكسىز شىقپاۋ (مۇمكىندىگىنشە ۇيدە بولۋ) كەرەك؛
– ۇيدە ەسىك پەن تەرەزەلەردى مىقتاپ جابۋ جانە اۋلادان، اشىق بالكونداردان زيان كەلتىرۋى مۇمكىن تۇرمىستىق زاتتاردى الىپ تاستاۋ ۇسىنىلادى؛
– كوشەدە جۇرگەندە بيلبوردتاردىڭ، اعاشتاردىڭ استىندا، اياقتالماعان عيماراتتاردا جاسىرىنۋعا بولمايدى؛
– قاتتى جەل كەزىندە ەلەكتر بەرۋ جەلىلەرىنىڭ استىندا تۇرۋ جانە ۇزىلگەن ەلەكتر سىمدارىنا جاقىنداۋ وتە ءقاۋىپتى.
بۇگىن الماتىنىڭ كەي اۋداندارىندا، اسىرەسە تاۋلى ايماعىندا بۇرشاق جاۋدى. تابيعي قۇبىلىستىڭ بەينەجازبالارى الەۋمەتتىك جەلىدە تارادى.