الماتى قالاسى سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى باسشىسىنىڭ مىندەتىن ۋاقىتشا اتقارۋشى تاعايىندالدى
الماتى اكىمى ەربولات دوسايەۆتىڭ وكىمىمەن الماتى قالاسى سەيسميكالىق قاۋىپسىزدىك جانە جۇمىلدىرۋ دايىندىعى باسقارماسىنىڭ باسشىسى لاۋازىمىن مىندەتىن ۋاقىتشا اتقارۋشى بولىپ باتىرحان سۇلەيمەنوۆ تاعايىندالدى.
باتىرحان سۇلەيمەنوۆ 1992 جىلى اتىراۋ وبلىسىندا دۇنيەگە كەلگەن. 2015 جىلى ۇلىبريتانيانىڭ كارديفف مەتروپوليتان ۋنيۆەرسيتەتىن «مەنەدجمەنت» ماماندىعى بويىنشا بىتىرگەن.
ەڭبەك جولىن 2014 جىلى باستاعان. ءار جىلدارى كوممەرسيالىق جانە مەملەكەتتىك ۇيىمداردا باسشىلىق لاۋازىمداردا جۇمىس ىستەدى. 2017 جىلى قۇرىلىس كومپانياسىندا باس ديرەكتور بولىپ جۇمىس ىستەدى. 2020 جىلدان باستاپ قازىرگى تاعايىنداۋعا دەيىن الماتى قالاسى قالالىق جوسپارلاۋ جانە ۋربانيستيكا باسقارماسى باسشىسىنىڭ ورىنباسارى بولعان.
ەستەرىڭىزگە سالا كەتەيىك، الماتى ءماسليحاتىنىڭ كەزەكتەن تىس XIV سەسسياسىندا جاڭا سەيسميكالىق قاۋىپسىزدىك جانە جۇمىلدىرۋ دايىندىعى باسقارمالارى بەكىتىلدى. جاڭا قۇرىلىمدار اۋداندىق اكىمدىكتەردىڭ باسقا باسقارمالارىن، اپپاراتتارىن وڭتايلاندىرۋ ەسەبىنەن قالىپتاسادى جانە شتاتتى كوبەيتۋدى كوزدەمەيدى.