قالا اكىمىنىڭ وكىمىمەن ق ر پرەزيدەنتى اكىمشىلىگىنىڭ جانە الماتى قالاسى ءماسليحاتىنىڭ كەلىسىمى بويىنشا المالى اۋدانىنىڭ اكىمى بولىپ ارمان شامشين تاعايىندالدى.
ارمان شامشين 1986 جىلى دۇنيەگە كەلگەن. شىعىس قازاقستان مەملەكەتتىك تەحنيكالىق ۋنيۆەرسيتەتىن (ەكونوميكا فاكۋلتەتى)، پەكين ۋنيۆەرسيتەتىن (الەۋمەتتانۋ) بىتىرگەن. Nazarbayev University جوعارى بيزنەس مەكتەبىنىڭ باسشىلارى ءۇشىن ىسكەرلىك اكىمشىلەندىرۋ ماگيسترى (Executive MBA) دارەجەسىنە يە.
ەڭبەك جولىن 2011 جىلى باستاعان. ءار جىلدارى مەملەكەتتىك ورگاندار مەن ۇلتتىق كومپانيالاردا ءبىرقاتار باسشىلىق قىزمەتتەر اتقارعان. ەكونوميكا جانە بيۋدجەتتىك جوسپارلاۋ مينيسترلىگىندە كەڭەسشى بولىپ جۇمىس ىستەدى، «نۋح «بايتەرەك» اق باسقارۋشى ديرەكتورى قىزمەتىن اتقاردى.
جۇڭگو، اعىلشىن جانە تۇرىك تىلدەرىن جەتىك بىلەدى.
2022 جىلدىڭ شىلدەسىنەن باستاپ قازىرگى تاعايىندالعانعا دەيىن «الماتى اكك» اق باسقارما ءتوراعاسى قىزمەتىن اتقاردى.