اۋىل مەكتەپتەرىن جوعارى جىلدامدىقتى جەلىگە قوسۋ بويىنشا ءتيىستى ءىس-شارالار جۇرگىزىلىپ جاتىر
سۋ تاسقىنىنان زارداپ شەككەن وڭىرلەردە 13 مەكتەپ Starlink جەلىسىنە قوسىلدى، دەپ حابارلايدى اlmaty-akshamy.kz.
وقۋ-اعارتۋ مينيسترلىگى سۋ تاسقىنى بولعان وڭىرلەردە وقۋ پروسەسىن ۇيىمداستىرۋ بويىنشا جۇمىستاردى جالعاستىرىپ جاتىر. ونىڭ ىشىندە سدياوم-مەن بىرگە ينتەرنەت جىلدامدىعى تومەن اۋىل مەكتەپتەرىن جوعارى جىلدامدىقتى جەلىگە قوسۋ بويىنشا ءتيىستى ءىس-شارالار جۇرگىزىلىپ جاتىر.
قوستاناي، اقتوبە، ۇلىتاۋ جانە شىعىس قازاقستان وبلىستارى بويىنشا مەكتەپتەرگە Starlink جەلىسىنىڭ تەرمينالدارى ورناتىلدى.
ءبىرىنشى كەزەكتە ەۆاكۋاسيالىق پۋنكتتەر ورنالاسقان مەكتەپتەردە بايلانىس قوندىرۋ مەن ونلاين وقىتۋدى ۇيىمداستىرۋ قولعا الىنىپ جاتىر. سۋ تاسقىنى باستالعالى بەرى 13 مەكتەپ جوعارى جىلدامدىقتى جەلىگە قوسىلدى. ءقازىر تەرمينالدار اقمولا جانە تۇركىستان وبلىستارىنىڭ مەكتەپتەرىندە ورناتىلىپ جاتىر، – دەدى سيفرلاندىرۋ دەپارتامەنتى ديرەكتورىنىڭ مىندەتىن اتقارۋشى مايرا مارالبايەۆا.
ەلىمىزدىڭ 329 مەكتەبى Starlink تەحنولوگياسىن قولدانا وتىرىپ، ينتەرنەتپەن قامتاماسىز ەتىلگەن. تەرمينالدار ورناتىلعاننان كەيىن مەكتەپتەردەگى ينتەرنەتتىڭ ورتاشا جىلدامدىعى 150 مبيت/س قۇرايتىن بولادى.