«باسى كەسىلگەن پوليسەيلەر» تۋرالى اقپاراتتى الماتى پوليسياسى راستاعان جوق

اتالعان ءىس بويىنشا تەرگەۋ ءجۇرىپ جاتىر.

الماتى قالالىق پوليسيا دەپارتامەنتى باستىعىنىڭ ورىنباسارى رۋستام ءابدىراحمانوۆ "قاڭتار وقيعاسى كەزىندە شەرۋشىلەر «ەكى پوليسەيدىڭ باسىن كەستى» دەگەن اقپاراتتى راستامادى، دەپ حابارلايدى Almaty-akshamy.kz ءىnbusiness.kz سايتىنا سىلتەمە جاساپ.

بۇعان دەيىن الەۋمەتتىك جەلىدە الماتى پوليسياسى باستىعىنىڭ ورىنباسارىنا «قازا بولعانداردىڭ اراسىندا باسى كەسىلگەن پوليسەيلەر بار ما؟» دەگەن سۇراق قويىلعان بولاتىن. 

رۋستام ءابدىراحمانوۆ: «الماتىلىق پوليسەيلەر اراسىندا ونداي جاعداي بولعان جوق»، - دەپ قىسقا جاۋاپ بەردى. كەيىنىرەك ول وسى جاعدايعا كەڭىنەن توقتالدى.

«ۇلتتىق ۇلانعا، اسكەرلەرگە، الماتى وبلىسىنىڭ پوليسيا دەپارتامەنتىنە جانە باسقا دا وبلىستىق بولىمشەلەرگە ەشقانداي قاتىسىم جوق، سوندىقتان بارلىعىنا تۇسىنىكتەمە بەرە المايمىن. كەشە ماعان الماتىدا باسى كەسىلگەن پوليسەيلەرگە قاتىستى سۇراق قويىلدى. الماتىدا قازا تاپقان پوليسەيلەردىڭ اراسىندا باسى كەسىلگەندەر جوق، وقتان مەرت بولعان قىزمەتكەرلەر بار، الماتى پوليسيا دەپارتامەنتىنىڭ ءۇش قىزمەتكەرى قايتىس بولدى. سونىمەن قاتار، قايتىس بولعان باسقا دا كۇش قۇرىلىمدارىنىڭ قىزمەتكەرلەرى بار، ءبىراق مەندە ولار تۋرالى مالىمەت جوق، تەرگەۋ ءجۇرىپ جاتىر»، - دەپ جاۋاپ بەردى پوليسيا باستىعىنىڭ ورىنباسارى.