بۇل تۋرالى ق ر ءبىلىم جانە عىلىم مينيسترلىگى «قارجى ورتالىعى» اق باسقارما ءتوراعاسى اسقار يبرايموۆ ايتتى.
ەلىمىزدە ستۋدەنتتەر ءۇشىن جاتاقحانادا 63 مىڭنان استام ورىندى قامتاماسىز ەتۋ كەرەك، دەپ حابارلايدى Almaty-akshamy.kz
«ستۋدەنتتىك جاتاقحانالاردى سالۋ جانە جاڭعىرتۋعا توقتالساق، 2018 جىلى ەلىمىزدىڭ تۇڭعىش پرەزيدەنتى بەس الەۋمەتتىك باستاماسىن جاريالاعان بولاتىن، سولاردىڭ ءبىرى ستۋدەنت جاستاردىڭ ءومىر ءسۇرۋ جاعدايلارىن جاقسارتۋعا باعىتتالعان. وسى مىندەتكە قول جەتكىزۋ ءۇشىن جەكەمەنشىك سەكتوردىڭ اۋقىمدى قاتىسۋىن كوزدەيتىن مەملەكەتتىك تاپسىرىستى ورنالاستىرۋ تەتىگى ازىرلەندى. ءبىز ينۆەستورلاردى، جەكە كاسىپكەرلەردى مەملەكەتتىڭ قارجىلىق قولداۋىمەن ستۋدەنتتىك جاتاقحانالار قۇرىلىسىنا قارجى سالۋعا شاقىرامىز. بۇل پروسەسكە كەزەكتى الەۋمەتتىك نىساندى تۇرعىزۋ رەتىندە ەمەس، تابىستى، تۇراقتى جانە كەلەشەگى مول بيزنەس-جوبا رەتىندە الدەقايدا اۋقىمدى قاراۋدى ۇسىنامىن. ءارى وسىلاي ايتۋعا بارلىق العىشارتتار بار»، - دەدى ا.يبرايموۆ.
ونىڭ ايتۋىنشا، بۇل تۇرعىدا جوعارى سۇرانىس بايقالىپ وتىر. ويتكەنى، قازىرگى كەزدە ەلىمىزدە 63 مىڭعا جۋىق ستۋدەنت جاتاقحاناداعى ورىنعا مۇقتاج. بۇل مەگاپوليستەردەن باستاپ وبلىستىق ماڭىزى بار قالالارعا دەيىنگى ەلىمىزدىڭ بارلىق وڭىرلەرىنە ءتان قاجەتتىلىك. الداعى ۋاقىتتا ستۋدەنتتەر كونتينگەنتى وسەتىن بولادى. البەتتە، بۇل جاعداي ستۋدەنتتىك جاتاقحانالارعا دەگەن سۇرانىستىڭ ارتۋىنا اسەر ەتەدى.