زاڭدى ءتۇسىندىرۋ جۇمىستارى قالا كوشەلەرىندە ناۋقان فورماتىندا وتۋدە.
ول “Q88” قازاقستاندىق ۋربانيستەر قاۋىمداستىعىنىڭ بەلسەندى قاتىسۋىمەن جانە “Freedom” حولدينگىنىڭ قايىرىمدىلىق قولداۋىمەن جۇزەگە اسىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اقپاراتتىق جۇمىس اياسىندا پوليسەيلەر مەن ەرىكتىلەر جول قوزعالىسىنا قاتىسۋشىلارعا ەلەكتر ساموكاتتاردى پايدالانۋدىڭ جاڭا ەرەجەلەرىن ءتۇسىندىرىپ جاتىر. سونىمەن قاتار ميكروموبيل كولىگىن پايدالانۋشىلار اراسىندا دۋلىعالار مەن جارىق شاعىلىستىراتىن كەۋدەشەلەردى ويناتۋ جوسپارلانعان.
ەسكە سالا كەتەيىك، 30 تامىزدا “جول قوزعالىسى تۋرالى” ق ر زاڭىنا، اتاپ ايتقاندا، ماكسيمالدى جوبالىق جىلدامدىعى ساعاتىنا 25 شاقىرىم بولاتىن كولىك قۇرالى رەتىندە تانىلعان ەلەكتر ساموكاتتاردى پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزىلگەن بولاتىن. وزگەرىستەرگە سايكەس، ەلەكتر ساموكاتتاردىڭ جۇرگىزۋشىلەرى ۆەلوسيپەد جولىمەن قوزعالادى. ولار بولماعان جاعدايدا زاڭدا بەلگىلەنگەن شارتتار مەن تىيىم سالۋلاردى ەسكەرە وتىرىپ، ەلەكتر ساموكاتتارعا ءجۇرۋ بولىگىنىڭ وڭ جاق جيەگىمەن جۇرۋىنە رۇقسات ەتىلەدى. سونداي-اق ەلەكتر ساموكاتتاردىڭ جۇرگىزۋشىسى كەمىندە 18 جاستا بولۋى كەرەك، ونىڭ ۇستىندە بەكىتىلگەن دۋلىعا جانە شاعىلىستىراتىن كيىم بولۋى قاجەت، سونىمەن قاتار كەز كەلگەن ساناتتاعى كولىك جۇرگىزۋ كۋالىگى بولۋى كەرەك.
جولدىڭ ءجۇرىس بولىگىنىڭ وڭ جاق شەتىمەن، ونىڭ ىشىندە مارشرۋتتىق كولىكتەرگە ارنالعان جولاقپەن ەلەكتر ساموكاتتارىن جۇرگىزۋ كامەلەتتىك جاسقا تولعان جانە كەز كەلگەن ساناتتى جۇرگىزۋگە قۇقىعى بار ادامدارعا رۇقسات ەتىلەدى. ەرەجەلەردىڭ ءبىرىن بۇزعان جاعدايدا جۇرگىزۋشىلەر اكىمشىلىك زاڭنامانىڭ ەكى بابى بويىنشا اكىمشىلىك جاۋاپكەرشىلىككە تارتىلادى: ق ر اقبتك-نىڭ 593-بابى (جول ءجۇرiسi قاعيدالارىندا كوزدەلگەن جولاۋشىلاردى جانە جۇكتەردi تاسىمالداۋ، قاۋiپسiزدiك بەلدىكتەرiن نەمەسە موتوشلەمدەردi پايدالانۋ جونىندەگى تالاپتاردى ساقتاماۋ) جانە ق ر اقبتك-نىڭ 620-بابى (جول جۇرىسىنە قاتىسۋشىلارعا قويىلاتىن وزگە دە تالاپتاردى بۇزۋ). اتالعان باپتاردىڭ سانكسيالارى بويىنشا قۇقىق بۇزۋشىلارعا 5 اەك كولەمىندە اكىمشىلىك ايىپپۇل سالىنادى.