«سامرۇق-قازىنا» ءال-اۋقات قورى الداعى 7 جىلدا كوشباسشى ايەلدەر ۇلەسىن ارتتىرماق.
بۇل تۋرالى قور ءتوراعاسى نۇرلان جاقىپوۆ مالىمدەدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
ونىڭ ايتۋىنشا، حولدينگتە بۇگىندە 75 مىڭ قىز-كەلىنشەك جۇمىس ىستەسە، ونىڭ 15 پايىزى عانا جوعارى لاۋازىمعا يە. قور گەندەرلىك تەڭدىك ساياساتىن قولداي وتىرىپ، ايەلدەر ءۇشىن كوشباسشىلىق قاسيەتتەردى دامىتۋعا جانە تاجىريبە الماسۋعا ارنالعان جوبا ازىرلەدى. باعدارلاماعا 142 قىز-كەلىنشەك ءوتىنىش ءبىلدىرىپ، ونىڭ 71ء-ى ءساتتى اياقتاعان. ەندى ولار قوردىڭ باسقارما قىزمەتىنە باقىلاۋ جۇرگىزۋگە اتسالىسادى.
«قوعامنىڭ ءار سالاسىندا قىز-كەلىنشەكتەردىڭ سانى ارتىپ جاتقانى بارلىعىمىزعا ءمالىم. ءبىزدىڭ قوعامدا ايەل-انانىڭ ورنى قۇرمەتپەن باعالانادى. ايەل ارالاسقان قاي ىستە دە بەرەكە بار»، - دەيدى ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا.