ەلوردادا ءوتىپ جاتقان بۇكىلارميالىق كەڭەستىڭ وتىرىسىندا مەملەكەت باسشىسى قاسىم-جومارت توقايەۆ ساربازداردى الەۋمەتتىك قولداۋ شارالارىن مەيلىنشە كوبەيتۋ قاجەت ەكەنىن ەسكەرتتى، دەپ حابارلايدى Almaty-akshamy.kz.
«اسكەري قىزمەتتە «الەۋمەتتىك ءليفتتىڭ» بولۋى ماڭىزدى. سول ارقىلى جاستاردىڭ قوعامنان ءوز ورنىن تابۋعا مۇمكىندىك بەرۋىمىز كەرەك. ءقازىر وسى باعىتتا ناقتى جۇمىس جاسالىپ جاتىر. اسكەري بورىشىن وتەپ كەلگەن ازاماتتار ەندى جوعارى وقۋ ورنىنا جەڭىلدىكپەن تۇسەدى. مەرزىمدى اسكەري قىزمەتتەگى ساربازدار نەسيەسىن تولەۋ مىندەتىنەن ۋاقىتشا بوساتىلادى. سونداي-اق ولار وزدەرى قالاسا، ارميا قاتارىنان ناقتى ماماندىق الىپ شىعادى. جالپى، ساربازداردى الەۋمەتتىك قولداۋ شارالارىن مەيلىنشە كوبەيتۋ قاجەت. اسكەردە جۇرگەن جاستارىمىز ناعىز سارباز، ناعىز مامان بولىپ شىعۋى – مىندەت. ولار وسكەلەڭ ۇرپاققا ۇلگى-ونەگە بولۋعا ءتيىس. اسكەري قىزمەتشىلەرگە جاقسى جالاقى تولەنۋى كەرەك. ۇكىمەت كۇشتىك قۇرىلىمدارعا ەڭبەكاقى تولەۋدىڭ ءبىرىڭعاي جۇيەسىنە كوشكەن كەزدە وسىنى ەسكەرۋگە ءتيىس»، - دەدى مەملەكەت باسشىسى.