ق ر اقپارات جانە قوعامدىق دامۋ ءمينيسترىنىڭ ورىنباسارى كەمەلبەك ويشىبايەۆ باسپا باسىلىمداردى مەملەكەت تاراپىنان قولداۋ شارالارىنا قانداي وزگەرىستەر ازىرلەنىپ جاتقانىن ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ..
«باسپا باسىلىمدارىن مەملەكەتتىك قولداۋ دا ماڭىزدى باعىت بولىپ قالا بەرەدى. ولاردىڭ دامۋىن زاڭنامالىق دەڭگەيدە بەكىتۋ قاجەت. قالالاردا ەرەسەك تۇرعىنداردىڭ كوپشىلىگىندە گازەتتەر مەن جۋرنالدارعا جازىلۋ جانە وقۋ مادەنيەتى ساقتالىپ وتىر. سونداي-اق شالعاي اۋىلداردا باسپا باسىلىمدارى ارقىلى اقپارات الۋ قاجەتتىلىگى ءالى دە بار. سوندىقتان مينيسترلىك بۇل باعىتتى باسىمدىقتاردىڭ ءبىرى رەتىندە قالدىرادى. وسى باعىتتا باسپا باسىلىمدارىن سالىقتىڭ كەيبىر تۇرلەرىنەن بوساتۋ مۇمكىندىكتەرىن جانە باسپا قىزمەتتەرىن سۋبسيديالاۋ نۇسقالارىن زەردەلەيمىز»، -دەدى كەمەلبەك ويشىبايەۆ.
مينيسرلىك وكىلى باسپا باسىلىمداردى قولداۋباسقا ەلدەردىڭ قالاي ءجۇرىپ جاتقانىن مۇقيات زەرتتەلەتىنىن ەسكەرتتى.
«سونداي-اق، وتاندىق مەرزىمدى باسپا ءسوز باسىلىمدارى مەن جەلىلىك باسىلىمداردى قولداۋ ماقساتىندا حابارلاما جاساۋ تارتىبىمەن ەسەپكە قويۋدى جانە قايتا ەسەپكە الۋدى كوزدەۋ ۇسىنىلادى. زاڭنامالىق دەڭگەيدە بۇۇ ۇسىنىمدارىنا سايكەس تارالىمى 200 دانادان كەم مەرزىمدى باسىلىمداردى ەسەپكە قويۋدان بوساتۋدى ۇسىنامىز. ءقازىر بۇل نورما 100 دانا دەڭگەيىندە بەكىتىلگەن. سونىمەن قاتار، ءبىر مەكەمەدە تاراتىلاتىن جانە تەك وسى مەكەمەنىڭ قىزمەتىن جاريالاۋعا باعىتتالعان مەرزىمدى باسىلىمداردى (مىسالى، جوو، زاۋىت حابارشىلارى جانە ت.ب.) ەسەپكە قويۋدان بوساتۋ ۇسىنىلادى»، - دەدى كەمەلبەك ويشىبايەۆ.