2023 جىلعا دەيىن پوليسيا قىزمەتكەرلەرىنىڭ جالاقىسى 90 پايىزعا دەيىن وسەدى. بۇل تۋرالى ماجىلىستەگى ۇكىمەت ساعاتىندا ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى almaty-akshamy.kz
«قىزمەتكەرلەردىڭ الەۋمەتتىك-ماتەريالدىق جاعدايىن كوتەرۋ بويىنشا ءىس-شارالار قابىلدانۋدا. بۇگىندە پوليسيا قىزمەتكەرلەرىنىڭ جالاقىسى قۇقىق قورعاۋ ورگاندارى اراسىندا وتە تومەن. سوندىقتان مەملەكەت باسشىسىنىڭ تاپسىرماسىنا سايكەس، 2019 جىلدان باستاپ كەزەڭ-كەزەڭمەن جالاقى كوتەرىلۋدە»، - دەدى مينيستر.
ونىڭ اتاپ وتۋىنشە، 2023 جىلعا دەيىن پوليسيا قىزمەتكەرلەرىنىڭ جالاقىسىن 50-دەن 90 پايىزعا دەيىن ءوسىرۋ كوزدەلگەن.
«وسىلايشا، سەرجانتتىڭ جالاقىسى 81 مىڭنان 140 مىڭ تەڭگەگە دەيىن، لەيتەنانت جالاقىسى 103 مىڭنان 174 مىڭ تەڭگەگە دەيىن ارتادى»، - دەدى ەرلان تۇرعىمبايەۆ.