ق ر باس پروكۋرورىنىڭ ورىنباسارى ەرلىك كەنەنبايەۆ قاڭتار وقيعاسىنا بايلانىستى ۇستالعانداردىڭ قۇقىعىن بۇزعانداردىڭ ۇستىنەن قانشا ءىس قوزعالعانىن ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«زاڭسىز ىس-ارەكەتتەر، ونىڭ ىشىندە ازاپتاۋلار تەرگەۋدىڭ باستاپقى كەزەڭىندە بولادى. ادامداردى وقيعا ورنىنان پوليسياعا اپارعان سوڭ ولار تەرگەۋشىمەن نەمەسە جەدەل ۋاكىلمەن وڭاشا قالادى. جەدەل قىزمەتكەرلەر ۇستالعاندارمەن «جۇرەكجاردى اڭگىمە» جۇرگىزۋ ءۇشىن پروسەسسۋالدىق سيپاتتان تىس قارىم-قاتىناستارعا جول بەرەدى. ۇستالعانداردىڭ كوبى ءوز قۇقىقتارىن بىلمەيدى، قورعاۋشى تالاپ ەتىپ جاتپايدى. پوليسيا بۇل جايتتى كوپ جاعدايدا وزدەرىنە پايدالانادى. سەبەبى ۇستالعان ادامدارمەن جۇمىس جۇرگىزۋدىڭ ناقتى رەتتەلگەن ءتارتىبى جوق. قاڭتارداعى وقيعالار بۇعان ايقىن دالەل»، - دەدى باس پروكۋروردىڭ ورىنباسارى.
سونداي-اق ول قاڭتار وقيعاسى بويىنشا پروكۋراتۋرا ورگاندارىنا تۇسكەن شاعىمداردىڭ قالاي قارالىپ جاتقانىن باياندادى.
«12 قاڭتاردا الماتى پروكۋراتۋراسى زاڭسىز قاماۋدا وتىرعان قالانىڭ 24 تۇرعىنىن بوساتتى. اتالعان فاكت بويىنشا ارنايى پروكۋرور تەرگەۋ جۇرگىزۋدە. پروكۋرورلار ۋاقىتشا ۇستاۋ يزولياتورلارىنان نەگىزسىز ۇستالعان 96 ادامدى بوساتتى. سونىمەن بىرگە ارەكەتتەرىنىڭ اۋىر بولماۋىنا بايلانىستى 92 ادامعا قاتىستى بۇلتارتپاۋ شاراسى وزگەرتىلدى. ۇستالعان ادامدارعا قاتىستى قۇزىرەتتى اسىرىپ پايدالانۋ، ءولىم، ازاپتاۋ فاكتىلەرى بويىنشا ىستەر تەرگەلىپ جاتىر. بۇل سيپاتتاعى 133 قىلمىستىق ءىس تەرگەلۋدە. بارلىق ىستەردىڭ وبەكتيۆتى ءوتۋى ءۇشىن پروسەسسۋالدىق پروكۋرورلار بەلگىلەندى. ۇستالعان تۇلعالارعا مەديسينالىق كومەك قامتاماسىز ەتىلدى. قازىرگى تاڭدا قاماۋدا وتىرعان جانە ۇستالعان 27 ادامعا قاجەتتى مەديسينالىق كومەك كورسەتىلىپ وتىر»، - دەدى ەرلىك كەنەنبايەۆ.