3 اي بويى حالىقتىڭ سۇرانىسىن قاناعاتتاندىرۋ ءۇشىن جەتكىلىكتى.
قازىرگى ۋاقىتتا قازاقستاندا نەگىزگى ازىق-تۇلىك تاۋارلارىنىڭ قورلارى جاسالدى. بۇل تۋرالى ساۋدا جانە ينتەگراسيا مينيسترلىگى مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وڭىرلەر مەن ساۋدا جەلىلەرى وداعىنىڭ اقپاراتى بويىنشا تۇراقتاندىرۋ قورلارى مەن ساۋدا وبەكتىلەرىندە قانت قورلارى شوعىرلانعان، ولار 3 اي بويى حالىقتىڭ سۇرانىسىن قاناعاتتاندىرۋ ءۇشىن جەتكىلىكتى.
جەتكىزۋشىلەردىڭ گەوگرافياسىن كەڭەيتۋ جانە تاۋەكەلدەردى تومەندەتۋ شەڭبەرىندە دايىن قانت ءوندىرۋ ءۇشىن باسقا ەلدەردەن شيكى قانت ساتىپ الۋ جۇمىسى جۇرگىزىلۋدە: قازاقستاندا 2022 جىلعى تامىز ايىنىڭ سوڭىنا دەيىن كەدەندىك باج سالىعىن تولەمەي، 250 مىڭ توننا قانت اكەلۋ مۇمكىندىگى بار.
قانت باعاسىن تۇراقتى دەڭگەيدە ۇستاپ تۇرۋ ءۇشىن ورتالىق جانە جەرگىلىكتى اتقارۋشى ورگاندار ساۋدا وبەكتىلەرىنىڭ «اينالىم سحەماسىن» پايدالانۋدى جانە تۇراقتاندىرۋ قورلارىنان ينتەرۆەنسيالاردى قوسا العاندا، ءبىرقاتار شارالار قابىلدايتىن بولادى.