بورانبايەۆ پەن نامازبايەۆ جانە ولاردىڭ قورعاۋشىلارى جاڭا ءمان-جايلار بويىنشا ءىستى قايتا قوزعاۋ تۋرالى وتىنىشحاتپەن جۇگىنگەن جوق. باس پروكۋرور بەرىك اسىلوۆ ءماجىلىس دەپۋتاتتارىنىڭ ساۋالىنا جولداعان جاۋاپتا وسىنداي دەرەك كەلتىرگەن.
«الماتى قالاسى المالى اۋداندىق سوتىنىڭ 14.03.2022 جىلعى زاڭدى كۇشىنە ەنگەن ۇكىمىمەن بورانبايەۆ (5 جىل 2 اي باس بوستاندىعىنان ايىرۋ) ۇلتتىق الاۋىزدىقتى قوزدىرعانى ءۇشىن (قك-نىڭ 174-بابى 2-بولىگى) جانە نامازبايەۆپەن (5 جىل باس بوستاندىعىنان ايىرۋ) ءبىر توپتا بيلىكتى كۇشتەپ باسىپ الۋعا شاقىرعانى ءۇشىن (قك-نىڭ 179-بابى 2-بولىگى) سوتتالعانى انىقتالدى.
وسى ءىس بويىنشا سىزدەر جاڭادان اشىلعان ءمان-جايلار بويىنشا سوت اكتىلەرىن قايتا قاراۋ تۋرالى ماسەلە قويىپ وتىرسىزدار. سونىمەن بىرگە، جاڭادان اشىلعان ءمان-جايلار بويىنشا قىلمىستىق ءىس جونىندە ءىس جۇرگىزۋدى قايتا باستاۋ ءتارتىبى مەن نەگىزدەرى قىلمىستىق-پروسەستىك كودەكستىڭ (بۇدان ءارى – قپك) 53-تاراۋىمەن رەتتەلەدى. بۇل ءىس جۇرگىزۋ – قىلمىستىق پروسەستىڭ ءبىر ساتىسى جانە ول جەردە ۇكىم شىعارۋ كەزىندە سوت بىلمەگەن ءمان-جايلاردىڭ بولۋى نەمەسە بولماۋى تۋرالى ماسەلە شەشىلەدى. قپك-نىڭ 55-بابى 1-بولىگىنىڭ 4-تارماقشاسىنا سايكەس سوت اكتىلەرىن قايتا قاراۋ جانە جاڭادان اشىلعان ءمان-جايلار بويىنشا ءىس قوزعاۋ قۇقىعى تەك سوتقا عانا تيەسىلى»، - دەپ جازىلعان جاۋاپتا.
باس پروكۋروردىڭ ايتۋىنشا، مۇنداي ءىستى قايتا باستاۋدىڭ ءتارتىبى قىلمىستىق-پروسەستىك كودەكستىڭ 499-بابى 2-بولىگى بويىنشا رەتتەلەدى.
«بۇعان سوت ۇكىمىندە بەلگىلەنگەن جابىرلەنۋشى، كۋا، ساراپشى قورىتىندىسىنىڭ جالعاندىعى، زاتتاي دالەلدەمەلەردىڭ، تەرگەۋ 2 جانە سوت ىس-ارەكەتتەرىنىڭ حاتتامالارىنىڭ بۇرمالانعاندىعى، تەرگەۋشىنىڭ، سۋديالاردىڭ قىلمىستىق ىس-ارەكەتتەرى، سونداي-اق سوت ۇكىم شىعارعان كەزدە ول تۋرالى بىلمەگەن تەكسەرۋ نەمەسە تەرگەۋمەن انىقتالعان وزگە دە ءمان-جايلار جاتادى. قپك-نىڭ 502-بابىنا سايكەس قىلمىستىق پروسەستىڭ قاتىسۋشىلارى (سوتتالعان، جابىرلەنۋشى، ولاردىڭ قورعاۋشىلارى نەمەسە زاڭدى وكىلدەرى) عانا جاڭادان اشىلعان ءمان-جايلار بويىنشا ءىس جۇرگىزۋدى قوزعاۋ تۋرالى وتىنىشحاتپەن جۇگىنۋ قۇقىعىنا يە. بۇل رەتتە، بورانبايەۆ، نامازبايەۆ جانە ولاردىڭ قورعاۋشىلارى وسى نەگىزدەرمەن جۇگىنبەگەن، ياعني ولار وزدەرىنىڭ ءىس جۇرگىزۋ قۇقىقتارىن ىسكە اسىرماعان. وسىعان بايلانىستى سوتتالعاندار ۇكىم شىعارۋ كەزىندە سوتقا بەلگىسىز بولعان ءمان-جايلاردى كورسەتە وتىرىپ جانە ولاردىڭ كىناسىزدىگى نەمەسە ونشا اۋىر ەمەس قىلمىستىق قۇقىق بۇزۋشىلىقتى جاساعانىن كۋالاندىراتىن ءوتىنىشحاتتى سوتقا نە پروكۋراتۋرا ورگاندارىنا دەربەس بەرۋگە قۇقىلى ەكەندىگىن تۇسىندىرەمىز»، - دەپ جازادى بەرىك اسىلوۆ.