الماتى اكىمى وتاندىق وندىرۋشىلەردىڭ ULTTYQ ÓNIM كورمەسىنە قاتىسۋشىلاردى قۇتتىقتادى
قالا باسشىسى وسىنداي اۋقىمداعى ءىس-شارانى، وتاندىق وندىرۋشىلەردىڭ جىل سايىنعى «Ulttyq Ónim» كورمەسىن وتكىزۋ – الماتى مەن جالپى ەل ءۇشىن ماڭىزدى وقيعا ەكەنىن تىلگە تيەك ەتتى، دەپ حابارلايدى Almaty-akshamy.kz.
«الماتى – بيزنەس جانە كاپيتال ورتالىعى. بۇگىندە شاعىن جانە ورتا بيزنەس قالالىق جۇمىسپەن قامتۋدىڭ 87% (2022 جىلى 998 مىڭنان 868،5 مىڭ) ۇلەسىن الا وتىرىپ، قالالىق ەكونوميكانىڭ 57،5% قالىپتاستىرادى. 2022 جىلى شوب سۋبەكتىلەرىنىڭ ءونىم شىعارۋ كولەمى 15،7 ترلن تەڭگەگە جەتىپ، 31،1% ءوسىمدى كورسەتتى، - دەدى قالا اكىمى ە.دوسايەۆ ءوز سوزىندە.
شوب كاسىپكەرلىك باستاماسىنىڭ ارقاسىندا بۇگىندە قالا ەل ەكونوميكاسىنىڭ بەستەن ءبىر بولىگىن (2022 جىلى 18،5%) جانە قازاقستاننىڭ مەملەكەتتىك بيۋدجەتى كىرىستەرىنىڭ تورتتەن ءبىرىن قامتاماسىز ەتەدى.
بيىل جىل باسىنان باستاپ مەگاپوليستە ىسكەرلىك بەلسەندىلىكتىڭ ايتارلىقتاي ءوسۋى بايقالادى. وسى جىلدىڭ ءبىرىنشى توقسانىندا ىسكەرلىك بەلسەندىلىك يندەكسىنىڭ دەڭگەيى بويىنشا (57،9%) الماتى قازاقستان وڭىرلەرى اراسىندا ءبىرىنشى ورىنعا شىقتى. قىسقا مەرزىمدى ەكونوميكالىق ينديكاتور 23،9%-عا دەيىن ءوستى.
«شوب دامىتۋ ءارقاشان ءبىزدىڭ نازارىمىزدا. بيىل مەملەكەتتىك جانە قالالىق باعدارلامالار اياسىندا باسىم باعىتتاعى 3 مىڭنان استام جوبانى قولداۋ ءۇشىن 44 ملرد.تەڭگە ءبولىندى. قۇرمەتتى قاتىسۋشىلار مەن قوناقتار! وتاندىق وندىرۋشىلەردىڭ جىل سايىنعى «Ulttyq Ónim» كورمەسى قازاقستاندا 7 رەت، الماتىدا ءبىرىنشى رەت وتكىزىلەدى. ءبىز سىزدەرمەن كەلەسى جىلى دا كەزدەسەمىز دەپ ۇمىتتەنەمىن. بۇگىندە كورمەگە قازاقستاننىڭ بارلىق وڭىرىنەن ەكونوميكانىڭ ءتۇرلى سالاسىنداعى 300-دەن استام وتاندىق كومپانيا قاتىسادى. سىزدەرگە جەمىستى ءارى سىندارلى كەزدەسۋ، جاڭا كەلىسىمشارت جاساۋلارىڭىزدى جانە ءبىزدىڭ سۇيىكتى الماتى قالاسىندا ۋاقىتتى جاقسى وتكىزۋلەرىڭىزگە شىن جۇرەكتەن تىلەكتەسپىن»! - دەدى الماتى اكىمى ە.دوسايەۆ.