الماتىدا بالالاردىڭ كولىك اپاتىنان زارداپ شەگۋ وقيعاسى كوبەيىپ كەتكەن
الماتىدا جىل باسىنان بالالاردىڭ قاتىسۋىمەن 30 جول-كولىك وقيعاسى بولدى. بۇل تۋرالى الماتى قالالىق دپ جەرگىلىكتى پوليسيا قىزمەتى باسقارماسىنىڭ باستىعى ماناپ اعزام ۇلى ونلاين بريفينگتە ايتتى، دەپ حابارلايدى اlmaty-akshamy.kz
«بىلتىر الماتىدا بالالاردىڭ قاتىسۋىمەن 25 جول-كولىك وقيعاسى بولدى، ودان 31 بالا دەنە جاراقاتىن الدى. بيىل جىل باسىنان بالالاردىڭ قاتىسۋىمەن جول-كولىك وقيعاسى 30-عا ارتتى. ودان 34 بالا دەنە جاراقاتىن الدى. سونداي-اق، بىلتىر مەن بيىلدا جول-كولىك وقيعالارىنان بالالاردىڭ قايتىس بولۋ دەرەگى بولعان جوق»، - دەدى ماناپ اعزام ۇلى.
ونىڭ ايتۋىنشا، اۋا رايى جاقسى بولعان كۇننىڭ وزىندە قالادا ورتا ەسەپپەن اپتا سايىن بالالاردىڭ قاتىسۋىمەن 5-7 جول-كولىك وقيعاسى بولادى. ەگەر اۋا رايى بۇزىلسا، مىسالى، جاڭبىر، قار جاۋعان كۇندەرى جول-كولىك وقيعاسى 15-كە دەيىن ارتاتىن كۇندەر بولادى. ال كۇنىنە بالالاردىڭ قاتىسۋىمەن شامامەن 1-2 جول-كولىك وقيعاسى بولىپ تۇرادى.
سونداي-اق ماناپ اعزام ۇلى قالا مەكتەپتەرىندە جول ءجۇرۋ ەرەجەسىن ۇيرەتۋگە ارنالعان سىنىپتار بار ەكەنىن، وندا بالالارعا جول ءجۇرۋ ەرەجەسى تۋرالى كۇندەلىكتى ساباق وتەتىنىن اتاپ ءوتتى.
جالپى، بالالاردىڭ جول ءجۇرۋ ەرەجەسىن ءبىلۋى، ونى دۇرىس ساقتاۋ، اتا-انالارعا دا بايلانىستى دەپ ەسەپتەيدى ماناپ اعزام ۇلى.
«ءتارتىپ ۇيدەن باستالادى. ءار اتا-انا ءوز بالاسىن مەكتەپكە جىبەرەردە، ءۇي مەن مەكتەپتىڭ اراسىندا قالاي ءجۇرۋ كەرەك ەكەنىن، جول ەرەجەسىن بۇزباۋ تۋرالى ايتىپ، ەسكەرتىپ وتىرۋ كەرەك. وكىنىشكە وراي، ءقازىر اتا-انالار بۇعان كوپ كوڭىل بولمەيدى. سەبەبى، ءقازىر بالالاردىڭ كوبىندە ۇيالى تەلەفون بار. ولار كوشەدە سوعان تەلمىرىپ، كوڭىلدەرى ءبولىنىپ جۇرەدى. كەيبىرى قۇلاققاپ تاعىپ، اينالاداعى كولىكتەردىڭ سيگنالىن دا ەستىمەيدى. سوندىقتان بالانىڭ مەكتەپكە تەلەفونسىز بارۋى نەمەسە تەك حابارلاسۋ ءۇشىن عانا بالاعا ۇيالى تەلەفون بەرۋ تۋرالى ماسەلە قاراستىرىلعانى دۇرىس دەپ ويلايمىن»، - دەدى سپيكەر.
ول اتا-انالاردى بالالارعا دۇرىس تاربيە بەرىپ، جول ەرەجەسىن بۇزباۋدى ۇيرەتۋگە شاقىردى.