ەلوردالىق «بارىس» كومانداسىنا جاڭا باس باپكەر تاعايىندالدى. بۇل قىزمەتكە بەلارۋستىك مامان اندرەي سكابەلكا كەلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بەلارۋس مامانىمەن كەلىسىمشارت ەكى جىلعا جاسالعان. ول 2024 جىلدىڭ 30 ساۋىرىنە دەيىن باس باپكەر قىزمەتىن اتقارا الادى. اندرەي سكابەلكا 1971 جىلى 20 قاڭتاردا دۇنيەگە كەلگەن. ول كاسىبي حوككەيشى رەتىندە 1988-2007 جىلداردا بەلارۋس، رەسەي كلۋبتارىندا ويىن كورسەتكەن. 2007 جىلدان بەرى باپكەرلىككە بەت بۇرىپ، رەسەي، بەلارۋس كلۋبتارىنىڭ تىزگىنىن ۇستادى. 2018-2020 جىلداردا «بارىس» جانە قازاقستان ۇلتتىق قۇراماسى تىزگىنىن ۇستادى. ونىڭ جەتەكشىلىگىمەن ەلوردالىق كلۋب ەكى جىل قاتارىنان چەرنىشيەۆ ديۆيزيونىندا كوش باسىندا بولسا، گاگارين كۋبوگى شىعىس كونفەرەنسياسىندا جارتىلاي فينالعا دەيىن جەتتى. بۇعان دەيىن 2020-2021 جىلداردا رەسەيدىڭ «لوكوموتيۆ» (ياروسلاۆل) كلۋبىنا جەتەكشىلىك جاسادى. ايتا كەتسەك، 2020-2022 جىلداردا «بارىس» كومانداسىنا قازاقستاندىق مامان يۋريي ميحايليس باس باپكەر بولدى.
«بارىسقا» جاڭا باس باپكەر كەلدى
- اۆتور Almaty-akshamy
- 14:01، 14 ماۋسىم 2022
Cۋرەت: Inform.kz