ەڭبەك ەتسەڭ توق جۇرەرسىڭ
رەسەيلىك «سپورت-ەكسپرەسس» باسىلىمى قۇرلىقتىق حوككەي ليگاسىندا جالاقىسى ەڭ كوپ سپورتشىلار ءتىزىمىن جاريالادى، دەپ حابارلايدى Almaty-akshamy.kz رrosports.kz-كە سىلتەمە جاساپ.
تىزىمدە ەلوردالىق «بارىستىڭ» قورعاۋشىسى ءارى كاپيتانى داررەن ديس كوش باستاپ تۇر. ونىڭ جىلدىق جالاقىسى 100 ميلليون رۋبل (15 قازانداعى دەرەك بويىنشا، 595 ميلليون تەڭگە) ەكەن.
ەكىنشى ورىندا ماسكەۋلىك «دينامونىڭ» شابۋىلشىسى ۆاديم شيپاچيەۆ (95 ملن رۋبل) تۇر. ءۇشىنشى ورىندى ۋفالىق «سالاۆات يۋلايەۆ» فورۆاردى تەمۋ حارتيكاينەن مەن ياروسلاۆتىك «لوكوموتيۆ» شابۋىلشىسى ماكسيم شالۋنوۆ بولىسكەن.
بۇل تىزىمدە «بارىستىڭ» تاعى ءبىر ويىنشىسى شۆەسيالىق ياكوب ليلە دە بار. ونىڭ جالاقىسى - جىلىنا 35 ملن رۋبل (208،25 ملن تەڭگە). قازاقستان قۇراماسىنىڭ قورعاۋشىسى، ءقازىر ماسكەۋلىك سسكا-دا وينايتىن ۆيكتور سۆەدبەرگتىڭ جالاقىسى وسىنداي.