الماتىنىڭ ءتارتىپ ساقشىلارى جىل باسىنان بەرى ەسىرتكىگە قاتىستى 545 قىلمىستى اشكەرەلەدى
الماتىدا ءۇش ەسىرتكى زەرتحاناسى جويىلدى، دەپ حابارلايدى اlmaty.akshamy.kz. جۋرناليستەرمەن ءداستۇرلى كەزدەسۋدە الماتى ءپد-نىڭ باسشىسى سينتەتيكالىق ەسىرتكىلەردى شىعاراتىن 3 زەرتحانانىڭ جويىلعانىن حابارلادى.
«ولاردىڭ ءبىرى مەدەۋ اۋدانىنداعى جالدامالى ۇيدەن تابىلدى. ءتىنتۋ كەزىندە سينتەتيكالىق ەسىرتكى وندىرۋگە ارنالعان كومپونەنتتەر، سونداي-اق ساتۋعا دايىن، جالپى سالماعى 3،5 كەلى “مەفەدرون” زاتى تاركىلەندى. بۇل ءونىمنىڭ ساتۋ باعاسى شامامەن 40 ميلليون تەڭگەنى قۇرايتىن ەدى. سونداي-اق ءساۋىر ايىندا ءبىز ەسىرتكى بيزنەسىنە قاتىستى ۇيىمداسقان قىلمىستىق توپ قۇرعانى ءۇشىن كىنالارى دالەلدەنگەن 8 ايىپتالۋشىنىڭ ۇستالعانى تۋرالى حابارلاعان بولاتىنبىز. توپ ينتەرنەت رەسۋرستارى ارقىلى “مەفەدرون” سينتەتيكالىق ەسىرتكىسىن وندىرۋمەن جانە ساتۋمەن اينالىستى. سونىمەن قاتار، قوعاممەن بىرگە ەسىرتكى زاتتارىنىڭ تارالۋى تۋرالى اقپاراتتى قامتيتىن 3 901 گراففيتي-جازۋلار بويالدى. ەسىرتكىنى جارنامالاعانى ءۇشىن 5 ادام قىلمىستىق جاۋاپكەرشىلىككە تارتىلدى. الماتى پوليسياسىنىڭ باستاماسىمەن جىل باسىنان بەرى 357 ينتەرنەت-سايت بۇعاتتالدى»، – دەدى قانات تايمەردەنوۆ.
جىل باسىنان بەرى الماتى پوليسياسى 545 ەسىرتكى قىلمىسىن اشتى. 380 كەلىدەن استام ەسىرتكى تاركىلەنىپ، زاڭسىز اينالىمعا جىبەرىلمەدى.