بارلىق وڭىرگە قىتايدىڭ Sinopharm ۆاكسيناسىنىڭ 1-توپتاماسى جەتكىزىلدى. بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
بۇگىندە 1-كومپونەنتىن حالىقتىڭ ۆاكسيناسيالاۋعا جاتاتىن توبىنىڭ 62 پايىزى، 6،1 ملن ادام ۆاكسينا الدى. ال 2-كومپونەنت 4،8 ملن ادامعا سالىندى. بۇل حالىقتىڭ ۆاكسيناسيالاناتىن توبىنىڭ 48 پايىزىن قۇرايدى»، - دەدى ول.
ءمينيستردىڭ دەرەگىنشە، كوروناۆيرۋسقا قارسى ۆاكسينالاۋ جۇمىسى شىمكەنت قالاسىندا، تۇركىستان، الماتى، سولتۇستىك قازاقستان، شىعىس قازاقستان، قىزىلوردا وبلىستارىندا جوعارى دەڭگەيدە جۇرگىزىلىپ جاتىر. ال ۆاكسينانىڭ 1-دوزاسىن الۋشىلار قاتارى ماڭعىستاۋ وبلىسىندا تومەن. بۇل وڭىردە حالىقتىڭ 35 پايىزى عانا ۆاكسينا العان.
«وڭىرلەر ۆاكسينانىڭ جەتكىلىكتى كولەمىمەن قامتاماسىز ەتىلگەن. ۆاكسينا جەتكىزۋ كەستەگە سايكەس جۇرگىزىلىپ جاتىر. بارلىق وڭىرگە قىتايدىڭ Sinopharm ۆاكسيناسىنىڭ 1-توپتاماسى جەتكىزىلدى. جەتكىزۋ جۇمىستارى جالعاسىپ جاتىر»، - دەدى الەكسەي سوي.