مۇعالىمدەرگە ۆاكسينا سالۋدى 25 تامىزعا قاراي اياقتاۋ قاجەت. بۇل تۋرالى ۇكىمەت وتىرىسىندا ق ر پرەمەر-مينيسترى اسقار مامين ايتتى، دەپ حابارلايدى almaty-akshamy.kz
«جالپى، ەپيدەميولوگيالىق جاعداي تۇراقتالىپ كەلەدى. ۆيرۋستىڭ رەپرودۋكتيۆتىلىك يندەكسى – 0،97. اۋرۋحانالارداعى ورىن 53 جانە رەانيماسيالىق بولىمدەرى 47 پايىزعا پايىزعا جۇكتەلگەن. ۆاكسينانىڭ ءبىرىنشى كومپونەنتىن سالدىرعاندار سانى 6،1 ملن. ادامنان استى، ەكىنشى كومپونەنت 4،8 ملن-نان استام ادامعا سالىندى»، - دەدى ۇكىمەت باسشىسى.
ونىڭ اتاپ وتۋىنشە، تۇركىستان وبلىسى جانە الماتى مەن شىمكەنت قالالارىندا ۆاكسينا سالۋ قارقىنى جاقسى ەكەنىن اتاپ ءوتۋ قاجەت. ال ماڭعىستاۋ، اتىراۋ، قوستاناي جانە باتىس قازاقستان وبلىستارىندا ۆاكسينا سالۋ قارقىنىن كۇشەيتۋ كەرەك. ۆاكسينا قورىن تولىقتىرۋ شارالارى قابىلدانىپ جاتىر.
«وقۋ جىلىنا دايىندىق اياسىندا مۇعالىمدەرگە ۆاكسينا سالۋدى 25 تامىزعا قاراي اياقتاپ، وقۋ ورىندارىنىڭ دايىندىعىن باقىلاۋدى كۇشەيتۋ قاجەت»، - دەدى اسقار مامين.