بارلىق حالىقارالىق رەيس الماتى اۋەجايىنىڭ جاڭا تەرمينالىنان ۇشۋعا تولىقتاي كوشتى

2024 جىلعى 13 ماۋسىم ساعات 23.13-تەن باستاپ الماتى اۋەجايىنا بارلىق حالىقارالىق رەيستىڭ ۇشۋى جاڭا تەرمينالدا (ت2) جۇزەگە اسىرىلدى.

14.06.2024 ج. ساعات 01.00-دەن باستاپ بارلىق حالىقارالىق رەيستىڭ الماتى اۋەجايىنىڭ جاڭا تەرمينالىنان ۇشۋعا تولىق كوشۋى جۇزەگە اسىرىلدى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ. 

2024 جىلدىڭ 1 ماۋسىمىنان باستاپ قازىرگى ۋاقىتقا دەيىن جاڭا تەرمينالدان بارلىعى 310 حالىقارالىق رەيس ورىندالدى جانە 43 814 جولاۋشىعا قىزمەت كورسەتىلدى.

بۇگىنگى تاڭدا جاڭا تەرمينال 33 اۋە كومپانياعا قىزمەت كورسەتەدى. ونىڭ ىشىندە ءۇش قازاقستاندىق تاسىمالداۋشى – Air Astana، Scat، FlyArystan اۋە كومپانيالارى جانە Uzbekistan Airways، Azerbaijan Airlines، Pegasus Airlines، Somon Air، Wizz Air، Vietjet، Red Wings، IndiGo، Loong Air، Rossiya، Jazeera Airways، Salam Air، Air Arabia، Red Sea Airlines،  Air Cairo، Hunnu Air، Azimuth Aero، Yakutia Airlines، Qeshm Air، Air Asia، S7 airlines، FlyNas، Neos Airlines، China Southern Airlines، Qatar Airways، Lufthansa، Flydubai، Turkish Airlines، Asiana Airlines، Aeroflot سياقتى 30 حالىقارالىق اۋە كومپانيالار.

بۇرىنعى تەرمينالدا (ت1) بارلىق ىشكى باعىت بويىنشا Air Astana، Scat، FlyArystan، Qazaq air جانە يۋجنوە نەبو اۋە كومپانيالارىنىڭ رەيستەرى جۇزەگە اسىرىلادى.

الماتى اۋەجايىنىڭ جولاۋشىلارى مەن قوناقتارىنىڭ جايلىلىعىن قامتاماسىز ەتۋ ءۇشىن ت1 تەرمينالىن قايتا جاڭارتۋ جانە تۇراق ايماعىن ۇلعايتۋ ماقساتىندا جوندەۋ-قۇرىلىس جۇمىستارى باستالدى.