كوپ ەڭبەكتەنگەن ادام جەتىستىككە جەتەدى.
الەمگە تانىمال ءانشى، وتانداسىمىز ديماش قۇدايبەرگەن ءۇندىستاننىڭ «Hungama» تانىمال ديستريبيۋتورلىق كومپانياسىنا سۇحبات بەردى، دەپ حابارلايدى Almaty-akshamy.kz.
الەۋمەتتىك جەلىگە ديماشتىڭ اتالمىش كومپانياعا بەرگەن سۇحباتىنان ءۇزىندى جاريالاندى. سۇحباتتىڭ تولىق نۇسقاسى جاقىندا جاريالانباق.
«مەنىڭ ويىمشا، كوپ ەڭبەكتەنگەن ادام جەتىستىككە جەتەدى. ءبىراق وتە ماڭىزدى ماسەلە بار: ءبىز قۇدايعا سەنىپ، وعان ۇنەمى العىس ايتىپ ءجۇرۋىمىز قاجەت. تىنباي ەڭبەك ەتەتىن كوپتەگەن ادامدى بىلەمىن، ولار سەنەن اناعۇرلىم كوپ جۇمىس ىستەپ، تالانتى سەنەن اناعۇرلىم جوعارى بولۋى مۇمكىن. ادامدار باي جانە تانىمال بولعان كەزدە دە بۇل قۇدايدىڭ سىيى ەكەنىن ەستەن شىعارماۋى ءتيىس»، - دەيدى ديماش قۇدايبەرگەن.
ونىڭ ايتۋىنشا، ول «ءبىر اسپاننىڭ حيكاياسى» ءانىن 25 جاسىندا جازا باستاعان.
«سەنىڭ قازاق، امەريكالىق، ورىس نە فرانسۋز ەكەنىڭ ماڭىزدى ەمەس. سەن ءبۇتىن الەمگە مەيىرىممەن قاراۋىڭ كەرەك. ءبىز بارلىق دىنگە، بىر-بىرىمىزگە قۇرمەتپەن قاراۋىمىز قاجەت. بۇل – وتە ماڭىزدى.
ءقازىر الەمدە سوعىس كوپ. نە ءۇشىن؟ سەبەبى ولار اقشا تاپقىسى كەلەدى. ءيا، ولار تابىسقا كەنەلگىسى كەلەدى، ءبىراق بالالار، ولاردىڭ ءومىرى شە؟ وسى تۋرالى ۇمىتامىز. سوندىقتان وسى ءانىمدى نە ءۇشىن جازعانىمدى بىرنەشە عانا ادام تۇسىنسە دە، مەنىڭ ميسسيام ورىندالعان بولادى»، - دەيدى ءانشى.
ايتا كەتسەك، Hungama Digital Media Entertainment – شتاب-پاتەرى مۋمبايدا ورنالاسقان كومپانيا. ول ءۇندىستانداعى جەتەكشى سيفرلىق ويىن-ساۋىق كومپانيا. ونىڭ «Hungama Music» جانە «Hungama Play» سەرۆيستەرى بار. Hungama Musicء-تىڭ اي سايىنعى پايدالانۋشىلار سانى 65 ميلليوننان اسىپ جىعىلادى.
پوسموترەت ەتۋ پۋبليكاسيۋ ۆ Instagram