«الماتىلىق ءورت سوندىرۋشىلەردىڭ كۇشىمەن 2250 شارشى مەتر اۋماقتاعى ءورت وقشاۋلاندى»، - دەپ جازدى ۆەدومستۆودان.
ايتا كەتەيىك، تاڭعى ساعات 7:16 شاماسىندا ءورت سوندىرۋشىلەر جەتىسۋ اۋدانى موسكين، 7ۆ مەكەنجايىنا جوعارى دارەجەدەگى شاقىرتۋعا شىققان بولاتىن.
وقيعا ورنىندا جەدەل شتاب قۇرىلىپ، بىرنەشە ءورت ءسوندىرۋ ۋچاسكەسى قۇرىلدى.
ءورت سوندىرۋشىلەر انگار ءتيپتى وتقا ورانعان قويمالاردى ءسوندىرىپ جاتىر.
«قويمالاردىڭ قابىرعالارى مەتاللدان جاسالعان، جوعارى تەمپەراتۋرا سالدارىنان قۇرىلىمداردىڭ قۇلاۋ ءقاۋپى بار . ءورت سوندىرۋشىلەر قاۋىپسىزدىك تەحنيكاسىن ساقتاي وتىرىپ جۇمىس ىستەۋدە، موسكين كوشەسى، 7ا مەكەنجايىندا كورشى قويمالاردى سوندىرۋگە جانە قورعاۋعا وقپاندار ەنگىزىلدى»،- دەپ حابارلادى ۆەدومستۆودان.
ءورتتى سوندىرۋگە 25 تەحنيكا، 85 ادام جانە قالانىڭ ءوزارا ءىس-قيمىل قىزمەتى جۇمىلدىرىلدى.
قازا تاپقاندار مەن زارداپ شەككەندەر جوق.