«اقكەنت» ىقشاماۋدانىنداعى ءورت كەزىندە تەرەزەدەن سەكىرىپ دەنە جاراقاتىن العان 35 جاستاعى ناۋقاس بۇگىن امبۋلاتورلىق ەم قابىلداۋعا اۋرۋحانادان شىقتى، دەپ حابارلايدى almaty-akshamy.kz الماتى قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
«1 تامىزدا №7 قالالىق كلينيكالىق اۋرۋحانانىڭ جەدەل جاردەم بولىمىنە 1988 جىلى تۋعان ناۋقاس اۋىر حالدە جەتكىزىلدى. كلينيكالىق جانە زەرتحانالىق تەكسەرۋدەن كەيىن دەرەۋ جانساقتاۋ بولىمىنە جاتقىزىلدى. دارىگەرلەر وعان كاتاجاراقات، كوپتەگەن سىنىق، ىسقا ۋلانۋ دياگنوزىن قويدى. رەانيماسيا بولىمىندە شوكقا قارسى شارالار»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.
3 تامىزدا جاعدايى تۇراقتالىپ، پوليجاراقاتتانۋ بولىمىنە اۋىستىرىلدى، وندا سيمپتوماتيكالىق تەراپيا جالعاستى. ءتيىستى مامانداردىڭ قاتىسۋىمەن ەكى رەت كونسيليۋم وتكىزىلدى. بۇگىن ناۋقاس امبۋلاتورلىق ەمگە شىعارىلدى، جاعدايى قاناعاتتانارلىق.
№7 قالالىق كلينيكالىق اۋرۋحانادا ورتتەن زارداپ شەككەن تاعى ءبىر ادام ەم قابىلداپ جاتىر.
«2004 جىلى تۋعان ەكىنشى ناۋقاس تا اۋىر حالدە جەتكىزىلگەن بولاتىن. وعان باس سۇيەگىنىڭ رەزەكسيالىق ترەپاناسياسى وپەراسياسى جاسالدى. ول ەكى كۇن جانساقتاۋ بولىمىندە جاتىپ، سودان كەيىن نەيروحيرۋرگيا بولىمىنە اۋىستىرىلدى. جاعدايى تۇراقتى. نەيروحيرۋرگيالىق بولىمشە جاعدايىندا ەم الىپ جاتىر»، - دەپ تولىقتىردى ۆەدومستۆودان.