كارتوپتى ەزگەن باتكا. پرەزيدەنتى اڭداماي سويلەيتىن بەلارۋستىڭ 756 ميلليون دوللار جوعالتۋ ءقاۋپى بار
2023 جىلى قازاقستان مەن بەلارۋس اراسىنداعى تاۋار اينالىمى 912 ميلليون دوللار بولدى. شىن ايتساق، استانا مەن مينسك اراسىنداعى ساۋدا قۇلدىراپ كەلەدى. 2022 جىلعى تاۋار اينالىم 1 ميلليارد دوللاردان اساتىن.
قازىرگى 912 ميلليوننىڭ 756 ميلليون دوللارى – بەلارۋستىڭ بىزگە ساتاتىن يمپورتى. بىزدەن الەكساندر لۋكاشەنكونىڭ ەلى 155 ميلليون دوللارعا عانا تاۋار الادى. دەمەك قازاق ەكسپورتى قۇرىلىمىندا بەلارۋس ۇلەسىن ميكروسكوپپەن عانا كورۋگە بولادى. ياعني، ءبىز ءۇشىن بەلارۋستىڭ بار-جوعى ءتىپتى بىلىنبەيتىن بولسا، 2023 جىلى 39،37 ميلليارد دوللار ەكسپورت كورسەتكەن مينسك ءۇشىن ءبىزدىڭ ۇلەسىمىز 1،9 پايىز.
بەلارۋستان بىزگە كەلەتىن يمپورت ناقتى ءۇش كاتەگورياعا بولىنگەن. ازىق-تۇلىك (ەت، شۇجىق، ءسۇت، ىرىمشىك)، اۋىل شارۋاشىلىعى تەحنيكاسى (تراكتورلار، پريسەپتەر) جانە جيھاز. وسىنىڭ ىشىنەن قازاقستان تاراپى كەز-كەلگەن ۋاقىتتا بەلارۋس ازىق-تۇلىگىنەن ءقاۋىپتى پوتوگەن تاۋىپ الۋى مۇمكىن. ال اۋىل شارۋاشىلىعى تەحنيكاسى كەيبىر ستاندارتتارعا ساي بولماي شىقسا دا تاڭ قالۋعا بولمايدى.
ديپلوماتيا مەن ەكونوميكانىڭ سىرت كوزبەن كورىنبەيتىن بايلانىسى بار. سوندىقتان باسقا ەلدەرمەن قارىم-قاتىناسىندا اۋزىنا يە بولماي، تىم باتىل سويلەيتىن مەملەكەت باسشىلارى كوپ جاعدايدا ءوزىنىڭ ناقتى ەكونوميكاسىنا زيان تيگىزىپ جاتادى.
بەلارۋس - ەۋرازيالىق ەكونوميكالىق وداق سىندى ينتەگراسيالىق ۇيىمداردان ەڭ كوپ پايدا كورگەن، ەكسپورتىن كوبەيتىپ العان ەل.
ءبىراق نە ءۇشىن «باقىتىن باسقا تەبە باستاعاندىعى» تۇسىنىكسىز بولىپ وتىر.
https://www.facebook.com/aybarolzhayev/posts/