Nur Otan پارتياسى الماتى قالالىق فيليالىنىڭ ءتوراعاسى قابىلداۋ وتكىزدى.
Nur Otan پارتياسى الماتى قالالىق فيليالىنىڭ ءتوراعاسى، الماتى اكىمى باقىتجان ساعىنتايەۆ پارتيانىڭ قوعامدىق قابىلداۋىندا ازاماتتاردى قابىلدادى، دەپ حابارلايدى Almaty-akshamy.kz.
ج. ساتىبالدييەۆ ايان عالييەۆتى ەسكە الۋ قۇرمەتىنە مەملەكەتتىك كىرىستەر دەپارتامەنتىنىڭ عيماراتىنا مەموريالدىق تاقتا ورناتۋ تۋرالى ارىپتەستەرىنىڭ ءوتىنىشىن ايتتى. الماتىنىڭ مامانداندىرىلعان كۇزەت قىزمەتى باسقارماسىنىڭ قىزمەتكەرى 2016 جىلدىڭ 18 شىلدەسىندە مكد عيماراتىن كۇزەتۋ ءارى قارۋلى قىلمىسكەردى ۇستاۋ كەزىندە قايتىس بولعان. ب. ساعىنتايەۆ بۇل ماسەلەنى قالانىڭ مادەني-تاريحي ەسكەرتكىشتەرىن قورعاۋ جونىندەگى كوميسسيادا قاراۋدى تاپسىردى. قالا اكىمى بولاشاق ۇرپاققا ساباق بولاتىن ەرلىكتى ەسكە الۋ كەرەكتىگىن ايتتى.
Art Forum of Kazakhstan ۇيىمداستىرۋ كوميتەتىنىڭ ءتورايىمى ر. يۋسۋپوۆا ايتقان اسپاپتىق ورىنداۋعا ارنالعان حالىقارالىق بايقاۋدى قولداۋ مەن العا جىلجىتۋ تۋرالى ماسەلە زەرتتەلەدى. ءىس-شارا ونلاين رەجيمدە جوسپارلانعان.
مەدەۋ اۋدانىنىڭ اكىمىنە «الماتى سۋ» باسشىسىمەن بىرگە بايقوڭىر، زارەچنايا، ايەۆرز، كوڭىل تولقىنى كوشەلەرى تۇرعىندارىن سۋمەن قامتۋ ماسەلەسىن شەشۋ بويىنشا جۇمىستىڭ بارىسىن ءتۇسىندىرۋ ءۇشىن وقيعا ورنىنا بارۋدى تاپسىردى. سونداي-اق و.پانينانىڭ ءوتىنىشى بويىنشا تاسىمالداناتىن سۋدىڭ ساپاسىنا باقىلاۋدى كۇشەيتۋ دە تاپسىرىلدى.
«شۇعىلا سيتي» تۇرعىن ءۇي كەشەنىنىڭ تۇرعىنى د. تۇرسىمبايەۆتىڭ ماسەلەسى بويىنشا الماتى اكىمى كەشەندى گازبەن جابدىقتاۋدى تەزدەتۋدى تاپسىردى. سىرتقى گاز قۇبىرىنىڭ قىسىمىن سىناۋ اياقتالعاننان كەيىن ابونەنتتەردى قوسۋ جوسپارلانۋدا.
الاتاۋ اۋدانىنىڭ مادەنيەت شاعىناۋدانىندا گاز قۇبىرىنىڭ قۇرىلىسىن تەزدەتۋ مۇمكىندىگى دە زەرتتەلەدى. بۇل ماسەلەنى شاعىناۋداننىڭ تۇرعىنى ب.ورازبەك كوتەردى.