الماتى اكىمى باقىتجان ساعىنتايەۆ تامىز كەڭەسىندە مەگاپوليس مەكتەپتەرىندە وفلاين رەجيمدە ءبىلىم بەرۋ قالاي ۇيىمداستىرىلاتىنىن ايتتى، دەپ حابارلايدى almaty-akshamy.kz
«الماتى مەكتەپتەرى پوستكوۆيدتىك كەزەڭدە: ءبىلىم ساپاسى، بالالاردىڭ دەنساۋلىعى جانە وتباسىنىڭ ءرولى» اتتى ونلاين-فورۋم بارىسىندا مەگاپوليس اكىمى باقىتجان ساعىنتايەۆ جاڭا وقۋ جىلىندا قالانىڭ 287 مەكتەبى 300 مىڭعا جۋىق وقۋشىعا ەسىگىن ايقارا اشاتىنىن ايتتى. ءبىرىنشى سىنىپتارعا 30 مىڭنان استام بالا بارادى.
جاڭا وقۋ جىلى قارساڭىنداعى ماڭىزدى مىندەتتەر – بالالاردى وقىتۋ مەن تاربيەلەۋ ءۇشىن ءقاۋىپسىز جانە جايلى جاعدايلار جاساۋ، بالالار مەن قىزمەتكەرلەردىڭ دەنساۋلىعىن قورعاۋدى قامتاماسىز ەتۋ، وقىتۋ-تاربيەلەۋ پروسەسسىن ساپالى ۇيىمداستىرۋ، ونىڭ ىشىندە بالالاردىڭ بىلىمدەرىن جەتىلدىرۋ جانە پسيحولوگيالىق قولداۋ كورسەتۋ.
وسىعان وراي، الماتى قالاسىنىڭ اكىمى باقىتجان ساعىنتايەۆ ءبىلىم باسقارماسىنا سانيتارلىق-ەپيدەميولوگيالىق باقىلاۋ دەپارتامەنتىمەن جانە قوعامدىق دەنساۋلىق باسقارماسىمەن بىرگە مەكتەپتەردە 1 قىركۇيەكتەن باستاپ سانيتارلىق-ەپيدەميولوگيالىق قاۋىپسىزدىكتى قامتاماسىز ەتۋ ءۇشىن تۇراقتى مونيتورينگ جۇرگىزۋدى تاپسىردى. سونىمەن قاتار كۇندەلىكتى پروفيلاكتيكالىق ءىس-شارالاردىڭ جۇرگىزىلۋىنە جانە مەكتەپتەردىڭ قاجەتتى دەزينفەكسيالىق جانە باسقا قورعانىس قۇرالدارىمەن جابدىقتالۋىنا باقىلاۋ ورناتىلادى.
بۇدان وزگە، مەكتەپتەردە ناۋقاس بالالار انىقتالعان جاعدايدا، ولاردى كەيىن قاشىقتان وقىتۋعا اۋىستىرۋ ءۇشىن الگوريتم ارەكەتتەرى ازىرلەندى. ءبىلىم باسقارماسىنا اتا-انالار قاۋىمداستىعىمەن ساپالى كەرى بايلانىس ورناتۋ، ونىڭ ىشىندە اتا-انالارعا كەڭەس بەرۋ ءۇشىن بارلىق ءبىلىم بەرۋ ۇيىمدارىندا «سەنىم تەلەفوندارى» مەن call-ورتالىقتاردىڭ جۇمىستارىن جانداندىرۋ تاپسىرىلدى.
«وقىتۋدىڭ ءداستۇرلى فورماتىنا ورالۋدىڭ ماڭىزدى شارتتارىنىڭ ءبىرى ءبىلىم بەرۋ سالاسى قىزمەتكەرلەرىن ۆاكسينالاۋ بولىپ تابىلادى. بۇگىندە مەديسينالىق قارسى كورسەتكىشتەرى بارلاردى قوسپاعاندا، مەملەكەتتىك ءبىلىم بەرۋ ۇيىمدارىندا جۇمىس ىستەيتىن 33 مىڭنان استام قىزمەتكەر 100% ۆاكسينالاندى»، - دەدى باقىتجان ساعىنتايەۆ.
1 قىركۇيەككە دەيىن جەكە ءبىلىم بەرۋ ۇيىمدارىنىڭ قىزمەتكەرلەرىن ۆاكسينالاۋ اياقتالادى، ءقازىردىڭ وزىندە 10 مىڭنان استام ادام نەمەسە 95%-ى ەكپە سالدىردى.
جاڭا وقۋ جىلى قارساڭىندا مەكتەپتەردە جانە وعان جاقىن اۋماقتاردا قاۋىپسىزدىكتى قامتاماسىز ەتۋ بويىنشا پروفيلاكتيكالىق شارالار كۇشەيتىلدى. بۇگىندە بارلىق ءبىلىم بەرۋ ۇيىمدارى ىشكى جانە سىرتقى بەينەباقىلاۋ جۇيەلەرىمەن قامتاماسىز ەتىلگەن، 239 ۇيىمدا (33 بالاباقشا، 187 مەكتەپ، 15 ينتەرنات، 4 كوللەدج)، بۇل جۇيەلەر پوليسيا دەپارتامەنتىنىڭ جەدەل باسقارۋ ورتالىعىنا قوسىلعان.