ورتا ءبىلىم بەرەتىن مەكتەپتەرىنىڭ سانى 280-نەن استى، ال بالاباقشا سانى 860-قا جەتكەن.
شاھاردا ورتا ءبىلىم بەرەتىن مەكتەپتەر مەن بالاباقشا سانى ارتىپ كەلەدى. بۇل تۋرالى قالا جەتەكشىسى باقىتجان ساعىنتايەۆ 25 تامىزدا وتكەن «الماتىدا ءبىلىم بەرۋ فورۋمى 2021» بارىسىندا ايتتى،دەپ حابارلايدى Almaty-akshamy.kz.
وسى جىل سوڭىنا دەيىن الماتىدا 48 الەۋمەتتىك نىساننىڭ قۇرىلىسىن اياقتاۋ جوسپارلانىپ وتىر. ونىڭ ىشىندە 38 نىساننىڭ قۇرىلىسى ءجۇرىپ جاتىر، ال ونىنا سەيسميكالىق كۇشەيتۋ مەن كۇردەلى جوندەۋ جۇرگىزىلىپ جاتىر.
«ورتا ءبىلىم بەرەتىن ۇيىمداردىڭ جەلىسى ۇلعايىپ، بۇگىنگى كۇنى ولاردىڭ سانى 280-نەن استى.تازا قازاق تىلىندە ءبىلىم بەرەتىن مەكتەپتەر سانى 70-كە جەتتى. بالاباقشالار سانى دا ارتىپ كەلەدى. 1990 جىلدارى قالادا 362 بالاباقشا بولسا، قازىرگى كەزدە ولاردىڭ سانى 860-قا جەتكەن. مۇنداي سالىستىرۋلار قالامىزدىڭ تۇراقتى دامىپ كەلە جاتقانىن كورسەتەدى جانە ءبىلىم سالاسى باستى نازاردا بولاتىنىن دالەلدەيدى. جاڭا وقۋ جىلدارىڭىز قۇتتى بولسىن! بارلىق مۇعالىمدەرگە سىڭىرگەن ەڭبەكتەرىنىڭ، بالالارعا بەرگەن ءولشۋسىز بىلىمدەرىڭىز بەن قامقورلىقتارىڭىز ءۇشىن العىس بىلدىرەمىن!» - دەدى قالا اكىمى.
