1995 جىلدان بەرى 30 تامىز ەلىمىزدە كونستيتۋسيا كۇنى رەتىندە تويلانىپ كەلەدى.
قالا اكىمى باقىتجان ساعىنتايەۆ الماتىلىقتاردى كونستيتۋسيا كۇنىمەن قۇتتىقتادى. بۇل تۋرالى ول ءوزىنىڭ Twitter-دەگى پاراقشاسىندا جازدى، دەپ حابارلايدى Almaty-akshamy.kz.
باقىتجان ساعىنتايەۆ الماتىنىڭ سيمۆولىنا اينالعان «قازاقستان» قوناق ءۇيى مەن كوكتوبەدە ورنالاسقان تەلەمۇنارا بەينەلەنگەن سۋرەتپەن قالا تۇرعىندارىن قۇتتىقتادى.
تاۋەلسىز قازاقستاننىڭ ءتول اتا زاڭىنىڭ تاريحى 1993 جىلدان باستالادى. ءدال وسى جىلى ەلىمىزدىڭ العاشقى كونستيتۋسياسى قابىلدانعان بولاتىن. 1995 جىلى ءقازىر قولدانىپ جۇرگەن ەكىنشى كونستيتۋسيا قابىلداندى. قۇجاتتىڭ جوباسىن ازىرلەۋگە قازاقستاننىڭ زاڭ سالاسىنداعى ءىرى تۇلعالارى، ينتەللەكتۋال عالىمدار، اۋزى دۋالى ساياساتكەرلەر تۇگەل اتسالىستى.
1995 جىلدان بەرى 30 تامىز ەلىمىزدە كونستيتۋسيا كۇنى رەتىندە تويلانىپ كەلەدى.
اتا زاڭىمىزدىڭ 1-بابى بويىنشا قازاقستان – دەموكراتيالىق، زايىرلى، قۇقىقتىق جانە الەۋمەتتىك مەملەكەت. مەملەكەتتىڭ ەڭ قىمبات بايلىعى – ادام مەن ونىڭ ءومىرى، قۇقىقتارى مەن بوستاندىقتارى. بۇل – كونستيتۋسيانىڭ وزگەرمەيتىن ەڭ باستى قاعيداسى.