الماتىنىڭ ميلليوننان استام تۇرعىنى ەگۋ ناۋقانى باستالعاننان بەرى COVID-19-عا قارسى ۆاكسينالاندى.
«الماتى» تەلەارناسىنىڭ Akimat LIVE باعدارلاماسىنىڭ تىكەلەي ەفيرىندە قالا اكىمى باقىتجان ساعىنتايەۆ مەگاپوليس تۇرعىندارىن ەپيدەميولوگيالىق احۋالدىڭ جاقسارعانىنا قاراماستان COVID-19 ۆاكسيناسىن كەيىنگە قالدىرماۋعا شاقىردى، دەپ حابارلايدى Almaty-akshamy.kz
تەك ۆاكسينالانعان ازاماتتار پاندەميانىڭ اياقتالۋىن جاقىنداتۋعا كومەكتەسەدى.
قالا اكىمى باقىتجان ساعىنتايەۆ الماتىدا حالىقتى كوروناۆيرۋسقا قارسى جاپپاي ۆاكسينالاۋ 2 ساۋىردەن باستالعانىن ەسكە سالدى. سول كەزدە وسى ماقساتتار ءۇشىن ەلىمىزدەگى ەڭ كوپ ەگۋ پۋنكتتەرى – 250، تەك مەديسينالىق ۇيىمدار بازاسىندا عانا ەمەس، مەكتەپتەردە، مادەنيەت، سپورت وبەكتىلەرىندە، بازارلاردا جانە سوو-دا بولدى. بۇگىندە قالادا 132 ۆاكسينالاۋ پۋنكتى جۇمىسىن جالعاستىرۋدا، 756 ادامنان تۇراتىن 201 ەگۋ بريگاداسى تولىق رەجيمدە جۇمىس ىستەيدى.
باقىتجان ساعىنتايەۆ ەكپە العان ميلليوننان استام الماتىلىقتاردىڭ بەلسەندىلىگى ارقاسىندا كوروناۆيرۋستى جۇقتىرۋ تىزبەگىنىڭ كوپشىلىگىن ءۇزىپ، اۋرۋدىڭ تارالۋ قارقىنىن تومەندەتۋگە قولجەتتى دەپ سانايدى. ولاردىڭ ىشىندە 24 654 قۇقىق قورعاۋ ورگاندارىنىڭ قىزمەتكەرى، 35 469 (100%) پەداگوگ، 38 935 (100%) مەديسينا قىزمەتكەرى بار.
الماتى اكىمى پاندەميا ءالى اياقتالماعاندىقتان، ۆاكسينالانۋ قارقىنىن كۇشەيتۋ قاجەتتىگىن اتاپ ءوتتى. ول قالادا دا، ەلدە دە، بۇكىل الەمدە دە كوروناۆيرۋسقا قاتىستى جاعدايدىڭ بىردە جاقسارىپ، بىردە ناشارلاي تۇسەتىنىن ايتتى. الايدا، الماتىلىق ەپيدەميولوگتاردىڭ، ۆيرۋسولوگتاردىڭ، دارىگەرلەردىڭ جانە مەدپەرسونالدىڭ ارقاسىندا الماتىدا دەرت تومەندەدى. سوندىقتان قالانىڭ ءاربىر تۇرعىنى ۆاكسينالانۋ ارقىلى ۇجىمدىق يممۋنيتەتتى قالىپتاستىرۋعا كومەكتەسۋى ءتيىس.
تەك وتكەن تاۋلىكتەردە 2 100-دەن استام قالا تۇرعىنى ۆاكسينانىڭ ءبىرىنشى كومپونەنتىن الدى. قاراشا ايىنىڭ ورتاسىنان باستاپ كۆي ۆاكسيناسىن الۋعا بۇرىن ەكپە الماعاندار بەلسەندى تۇردە قوسىلدى. بۇگىندە Pfizer پرەپاراتىمەن 8 496 ادام ۆاكسينالاندى، ونىڭ ىشىندە جۇكتى ايەلدەر – 529، ەمىزۋلى ايەلدەر – 2 026 جانە بالالار – 5 941.
باقىتجان ساعىنتايەۆ تەك ۆاكسينا عانا دەرتتىڭ الدىن الاتىنىن، اۋرۋدىڭ اسقىنۋىنا جول بەرمەيتىنىن ەسكە سالدى. بۇل اسىرەسە قارتتار ءۇشىن وتە ماڭىزدى. تىلەك بىلدىرۋشىلەردىڭ بارلىعى ەكپەنى شەكتەۋسىز الا الادى، ونىڭ ۇستىنە الماتىدا پرەپاراتتار جەتكىلىكتى: ءبىرىنشى كومپونەنتتىڭ 166 072 دوزاسى، ەكىنشى كومپونەنتتىڭ 219 620 دوزاسى بار.
قالادا 22 قاراشادان باستاپ ريەۆاكسيناسيادان وتۋگە بولادى. ازىرگە كۆي ۆاكسيناسىنىڭ ءۇشىنشى دوزاسىن مەديسينا قىزمەتكەرلەرى، پەداگوگتار، كۇش قۇرىلىمدارىنىڭ قىزمەتكەرلەرى، مەديسينالىق-الەۋمەتتىك مەكەمەلەردىڭ قىزمەتكەرلەرى مەن كونتينگەنتى، 60 جاستان اسقان ادامدار الادى. بۇگىنگى كۇنى بارلىعى 315 ادام ريەۆاكسينالاندى. قازىرگى كەزدە يناكتيۆيرلەنگەن: QazVac (رك)، Vero سell (كنر) ۆاكسينالارىن الۋعا بولادى. ق ر دەنساۋلىق ساقتاۋ مينيسترلىگى «سپۋتنيك لايت» ۆاكسيناسىن جەتكىزۋ بويىنشا كەلىسسوزدەر جۇرگىزۋدە. قالعان الماتىلىقتار ءۇشىن ريەۆاكسيناسيانىڭ ەكىنشى كەزەڭى 2022 جىلدىڭ قاڭتارىنان باستالادى.
الماتىدا كوروناۆيرۋس دەرتىنىڭ شارىقتاۋ دەڭگەيى وتكەنىنە قاراماستان، مەگاپوليستە جۇقتىرۋدىڭ جاڭا جاعدايلارى تىركەلۋدە. وتكەن تاۋلىكتە كوروناۆيرۋستىق ينفەكسيانىڭ 123 جاعدايى تىركەلدى. ينفەكسيالىق ستاسيونارلاردا 458 ادام، ونىڭ ىشىندە 24 بالا بار. رەانيماسيادا 51 ناۋقاس ءومىر ءۇشىن كۇرەسۋدە.