شاھاردا ەكى كۇندە 315 ادام ريەۆاكسيناسيادان وتكەن
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز ءماسليحاتىندا №7 ەمحانانىڭ باس دارىگەرىنىڭ ورىنباسارى نۇربول جۇمابەكوۆ ءمالىم ەتتى، دەپ حابارلايدى Almaty-akshamy.kz
«22 قاراشادان باستاپ بارلىق قالالىق ەمحانالاردا ريەۆاكسيناسيا ناۋقانى باستالدى. بۇگىندە ەكپەنى مەديسينا قىزمەتكەرلەرى، پەداگوگتەر، كۇش قۇرىلىمدارىنىڭ قىزمەتكەرلەرى، مەديسينالىق-الەۋمەتتىك مەكەمەلەردىڭ ماماندارى مەن كونتينگەنتى، 60 جاستان اسقان جانە يممۋنيتەتى تومەن ادامدار الا الادى»، - دەدى دارىگەر.
ونىڭ ايتۋىنشا، ريەۆاكسيناسيا بۇرىن جاسالعان ەكپەنىڭ تومەندەگەن تيىمدىلىگىن قايتارادى. سونىمەن قاتار ول قايتا ەگۋ ۆەكتورلىق ۆاكسينا سالدىرعان بولسا – 9 ايدان كەيىن، ال بەلسەندى ەمەس ۆاكسينالار مەن م-رنق ۆاكسينالار ەككەن بولسا – 6 ايدان كەيىن جاسالاتىنىن ەسكە سالدى. نۇربول جۇمابەكوۆ ەگىلمەگەن حالىقتى ۆاكسينانىڭ ەكى كومپونەنتىن الۋعا شاقىردى.
سونداي-اق وسى ۋاقىتقا دەيىن ۆاكسينادان باس تارتقاندار ءۇشىن ول رەانيماسياعا ەكسكۋرسيا جۇرگىزۋدى ۇسىندى، وندا كوروناۆيرۋس جۇقتىرعان ادامدار ءومىر ءۇشىن كۇرەسىپ جاتىر.
«كۆي-گە قارسى ۆاكسينالاۋ باستالعاننان بەرى ءبىر جىلعا جۋىق ۋاقىت ءوتتى جانە بارلىق سكەپتيكتەر ونىڭ ارقاسىندا اۋرۋدىڭ تارالۋ قارقىنى توقتاعانىن ءتۇسىندى. «جاسىل ايماققا» اۋىسقانىمىز – بۇل ۆاكسيناسيا ناتيجەلەرىنىڭ ءبىرى»، - دەيدى سپيكەر.
ءسوز سوڭىندا ول تۇماۋعا قارسى يممۋنداۋدى ۇسىندى، ءبىراق تۇماۋ مەن كوۆيدكە قارسى ۆاكسينانى ءبىر مەزەتتە الماعان ءجون، ولاردىڭ اراسىنداعى ينتەرۆال كەم دەگەندە 14 كۇن بولۋى كەرەك.