«الماتى» تا-داعى Akimat LIVE باعدارلاماسىنىڭ تىكەلەي ەفيرىندە قالا تۇرعىندارىنىڭ سۇراقتارىنا جاۋاپ بەرە كەلىپ، مەگاپوليس اكىمى باقىتجان ساعىنتايەۆ «بيۋدجەتكە قاتىسۋ» جوباسى بويىنشا اۋماقتى اباتتاندىرۋ مۇمكىندىگى تۋرالى ايتتى، دەپ حابارلايدى Almaty-akshamy.kz
باقىتجان ساعىنتايەۆ 8 اۋداننىڭ ءارقايسىسىنا قالا بيۋدجەتىنەن 800 ملن تەڭگە بولىنەتىنىن اتاپ ءوتتى. جوبانىڭ جالپى سوماسى 6،4 ملرد تەڭگە. ءبىر جوبانىڭ ماكسيمالدى قۇنى 58،3 ميلليون تەڭگەدەن اسپاۋى ءتيىس.
جوباعا قاتىسۋ ءۇشىن 1 قازانعا دەيىن budget.open-almaty.kz سايتىندا قالالىق ورتانى دامىتۋدىڭ يدەياسىن ۇسىنۋ قاجەت. ەگەر بۇل باستاما باسقا تۇرعىنداردىڭ داۋىسىمەن قولداۋ تاپسا، ول قالالىق بيۋدجەت ەسەبىنەن جۇزەگە اسادى.
بۇل رەتتە جوباعا قاتىسۋشىلاردىڭ دايىندىق جۇمىستارىنىڭ ساپاسىن ارتتىرۋ ءۇشىن، 13 قىركۇيەكتەن باستاپ «بيۋدجەتكە قاتىسۋ» بويىنشا تەگىن ونلاين-ترەنينگتەر Uyumdasu Participatory Budgeting الەۋمەتتىك جوباسى اياسىندا ۇيىمداستىرىلادى. ترەنينگكە «Open Almaty» سايتىنداعى سىلتەمە بويىنشا تىركەلۋگە بولادى.
ەسكە سالساق، «بيۋدجەتكە قاتىسۋ» جوباسى الماتىدا ەكىنشى جىل جۇزەگە اسىرىلۋدا. 23 تامىزدان باستاپ جوبانى ىسكە اسىرۋدىڭ ءۇشىنشى جىلىنا وتىنىمدەردى قابىلداۋ باستالدى. ەكى جىل ىشىندە ساياباقتاردى، سكۆەرلەردى، اۋلالاردى اباتتاندىرۋعا، سونداي-اق كوپشىلىك پايدالانىلاتىن جەرلەردى جارىقتاندىرۋعا جانە جوندەۋگە جالپى قۇنى 7،3 ملرد تەڭگە بولاتىن 322 جوبا (2020 ج. - 49 جوبا، 2021ج. - 273 جوبا) ىسكە استى.
بۇل جوباداعى بيۋدجەتتىڭ ۇلەسى 5%-دى قۇرايدى، بۇل بەلگىلەنگەن ەڭ تومەنگى كولەمنەن 10 ەسە كوپ – جىلدىق بيۋدجەتتىڭ 0،5%-ىنان كەم ەمەس. بولاشاقتا «بيۋدجەتكە قاتىسۋ» جوباسى اياسىندا قارجىلاندىرۋدى كوبەيتىپ قانا قويماي، شەتكى ايماقتار ءۇشىن جوبالاردى ىرىكتەۋ پروسەدۋرالارىن ودان ءارى جەتىلدىرۋ جوسپارلانۋدا. وسىلايشا تۇرعىنداردان جىل بويى ۇسىنىستار جيناۋ جوسپارلانۋدا.