الماتىداعى IT-قاۋىمداستىقتى قولداۋ جانە دامىتۋ ءۇشىن قالانىڭ بارلىق ۋنيۆەرسيتەتتەرى مەن تەحنولوگيالىق كومپانيالارىن بىرىكتىرەتىن ءبىرىڭعاي بايلانىس كەڭىستىگى ىسكە قوسىلدى.
مەگاپوليس اكتيۆىنىڭ وتىرىسىندا الماتى اكىمى باقىتجان ساعىنتايەۆ مەملەكەت باسشىسىنىڭ جولداۋىندا قويىلعان سيفرلاندىرۋ مەن اT سالاسىن دامىتۋ جونىندەگى مىندەتتەردىڭ شەشىمى تۋرالى مالىمدەدى، دەپ حابارلايدى Almaty-akshamy.kz
مەملەكەت باسشىسى قازاقستاننىڭ ەۋرازيا ايماعىنىڭ ماڭىزدى بولىگىندە ورتالىق سيفرلىق حابقا اينالۋى كەرەكتىگىن اتاپ ءوتتى.
«الماتى بۇل مىندەتتى جۇزەگە اسىرۋعا ءوز ۇلەسىن قوسۋى ءتيىس. ونىڭ ۇستىنە، وزدەرىڭىز بىلەسىزدەر، ەكونوميكا سالاسى رەتىندە سيفرلاندىرۋدى دامىتۋ – قالا ەكونوميكاسىنىڭ قۇرىلىمىن ديۆەرسيفيكاسيالاۋ جونىندەگى باعىتتىڭ ستراتەگيالىق باسىمدىعى»، - دەدى باقىتجان ساعىنتايەۆ.
بۇگىندە الماتىدا مەملەكەتتىك قىزمەتتەردىڭ 97،8% اۆتوماتتاندىرىلعان. 2025 جىلعا دەيىن بارلىق مەملەكەتتىك قىزمەتتەردى سمارتفونمەن ەلەكتروندى فورماتتا ۇسىنۋ بويىنشا جۇمىس جۇرگىزىلەتىن بولادى.
«2025 جىلعا دەيىن Smart Almaty ستراتەگياسى ازىرلەندى، قالاداعى بارلىق اT-كومپانيالاردىڭ ءتىزىلىمى قۇرىلدى. قالانىڭ «سيفرلىق ەگىزىن» دامىتۋ جۇمىستارى جۇرگىزىلۋدە. ءبىز مەگاپوليستى Big data مەن جاساندى ينتەللەكت نەگىزىندە ءتيىمدى باسقارۋعا ۇمتىلامىز»، - دەدى الماتى اكىمى باقىتجان ساعىنتايەۆ.
جىل سوڭىنا دەيىن «فرانسۋز مەكتەبى 01 ۇلگىسىندە» 2 مىڭ ادامعا ارنالعان ليسەنزياسى بار باعدارلامالاۋ مەكتەبىن اشۋ جوسپارلانۋدا. العاشقى كەزدەسۋ كەلەسى جىلعا جوسپارلانعان.
سونداي-اق، الماتىنىڭ ءار اۋدانىندا جەكە ينۆەستيسيالاردى بارىنشا تارتا وتىرىپ، باعدارلامالاۋ، راديوەلەكترونيكا جانە ات-ينكۋباتورلار مەكتەپتەرىن اشۋ جوسپارلانۋدا.