ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى اكىمى باقىتجان ساعىنتايەۆ جۇمىس ورىندارىن قۇرۋ جانە جاستار اراسىندا جۇمىسپەن قامتۋعا جاردەمدەسۋ شارالارى تۋرالى ايتىپ بەردى، دەپ حابارلايدى almaty-akshamy.kz
الماتىدا جىل باسىنان بەرى 55 مىڭعا جۋىق جۇمىس ورنى اشىلدى. جۇمىسسىزدىق دەڭگەيى 5،1% قۇرايدى. ءۇشىنشى توقساندا ورتاشا ايلىق جالاقى 20%-عا ءوسىپ، 283،7 مىڭ تەڭگەنى قۇرادى.
جاستاردى قولداۋ جانە ولاردىڭ جۇمىسپەن قامتىلۋىنا جاردەمدەسۋ ماقساتىندا «جۇمىسپەن قامتۋدىڭ جول كارتاسى» بويىنشا بۇگىندە 1،4 مىڭ جاس جۇمىسقا ورنالاستىرىلدى.
سونىمەن قاتار، «ەڭبەك» باعدارلاماسى بويىنشا جۇمىسقا ورنالاستىرۋ شارالارىمەن 38،3 مىڭ جۇمىسپەن قامتىلدى. ونىڭ ىشىندە تۇراقتى جۇمىسقا – 25 759 ادام، ۋاقىتشا جۇمىس ورىندارىنا – 10 670 ادام (قوعامدىق جۇمىستارعا – 7 986 ادام، جاستار پراكتيكاسىنا – 1 491 ادام، الەۋمەتتىك جۇمىس ورىندارىنا – 1 193 ادام) جۇمىسقا ورنالاستىرىلدى. بيزنەس اشۋ ءۇشىن 1 293 ادامعا گرانتتار بەرىلدى، 113 ادامعا ميكروكرەديتتەر بەرىلدى، 1 031 ادام قىسقا مەرزىمدى وقۋعا جىبەرىلدى. جۇمىسقا ورنالاسقانداردىڭ 17،1 مىڭى الەۋمەتتىك وسال توپتارعا جاتادى.
حالىقتىڭ الەۋمەتتىك وسال توپتارىنىڭ ىشىنەن 17،1 مىڭ ادام جۇمىسقا ورنالاستىرىلدى، بۇل از قامتىلعاندار – 255 ادام، 29 جاسقا دەيىنگى جاستار – 15 159 ادام، مۇگەدەكتەر - 1602 ادام، بالالار ءۇيىنىڭ تاربيەلەنۋشىلەرى – 13 ادام، قانداستار – 5 ادام، پروباسيا ەسەبىندە تۇرعان ادامدار – 27 ادام، ۇيىمنىڭ تاراتىلۋىنا بايلانىستى بوساتىلعاندار – 46 ادام.
سونىمەن قاتار، 15،8 مىڭ جاس جۇمىسپەن قامتۋعا كومەك الدى.
باستاپقى جۇمىس تاجىريبەسىن الۋ ءۇشىن جاستاردى قولداۋ ماقساتىندا اعىمداعى جىلى جاستار پراكتيكاسى بويىنشا تولەمدى جەرگىلىكتى بيۋدجەتتەن 25 اەك-تەن 35 اەك-كە دەيىن نەمەسە 102 مىڭ تەڭگەگە دەيىن ۇلعايتۋ تۋرالى شەشىم قابىلداندى.
جاستاردىڭ ەڭبەك نارىعىنداعى باسەكەگە قابىلەتتىلىگىن ارتتىرۋعا باعىتتالعان «ءبىرىنشى جۇمىس ورنى» جوباسى بويىنشا ولارعا قاجەتتى ەڭبەك داعدىلارىن ۇسىنۋ جانە ءبىرىنشى جۇمىس ورنىنا بەيىمدەۋ ءۇشىن 217 ادام جۇمىسقا ورنالاستىرىلدى.