مينيستر قانت تاپشىلىعى رەسەي فەدەراسياسىنىڭ قانت ەكسپورتىنا سالعان تىيىمىنا بايلانىستى ەكەنىن ايتتى.
ساۋدا جانە ينتەگراسيا ءمينيسترى باقىت سۇلتانوۆ قازاقستاندا قانت تاپشىلىعى بارىن مويىندادى، دەپ حابارلايدى Almaty-akshamy.kz.
ونىڭ ايتۋىنشا، ەەك كەڭەسىنىڭ 2022 جىل 15 ساۋىردەگى شەشىمى شەڭبەرىندە قازاقستان رەسپۋبليكاسىنا 2022 جىلعى 31 تامىزعا دەيىن 350 مىڭ توننا كولەمىندە اق قانت پەن شيكى قۇراق قانتتى باجسىز اكەلۋ قۇقىعى بەرىلگەن.
سونداي-اق، ول «قتج» ۇك» اق بۇگىندە قازاقستان رەسپۋبليكاسىنىڭ اۋماعىندا قانت تيەلگەن 152 ۆاگون (10 مىڭ توننادان اسا) كەلە جاتقانىن، 58 ۆاگون ءتۇسىرۋ ورنىنا جەتكەنىن، 94 ۆاگون مەجەلى ستانسياعا 7 تاۋلىك ىشىندە كەلەتىنىن ايتتى.
«بيىل 27 مامىردا نۇر-سۇلتان قالاسىنا «ازىق-تۇلىك كەلىسىم شارت كورپوراسياسى» 2 ۆاگون قانت (شامامەن 130 توننا) كەلىپ ءتۇستى. ال 30 مامىردا نۇر-سۇلتانعا كەلگەن قانتتى Magnum ساۋدا جەلىسى ساتىپ الدى، ول بولشەك ساۋدا ورىندارىنا جەتكىزىلىپ جاتىر»، - دەدى مينيستر.