وسى ماقساتتا جۇمىس جۇرگىزىپ جاتىر.
قازاقستان ەۋرووداق ەلدەرىمەن ۆيزالىق تەپە-تەڭدىككە قول جەتكىزىپ، شەنگەن ۆيزاسىن الۋ ءۇشىن الىناتىن الىمنىڭ قۇنىن تومەندەتۋگە نيەتتى، دەپ حابارلايدى Almaty-akshamy.kz Inbusiness.kz.
قازاقستاندىقتار ءۇشىن شەنگەن ۆيزاسىن الۋ كورشى رەسەي ازاماتتارىنا قاراعاندا قىمباتىراق. قازاقستاننىڭ كامەلەتكە تولعان ازاماتتارى ءۇشىن كونسۋلدىق الىم مولشەرى 80 ەۋرونى، رەسەيلىكتەر ءۇشىن 35 ەۋرونى قۇرايدى.
«ءتۇسىندىرىڭىزشى، الىم نەلىكتەن ەكى ەسەدەن جوعارى؟ سونىمەن قاتار، شەنگەن ەلدەرىنىڭ ازاماتتارى قازاقستانعا 90 كۇنگە دەيىن مۇلدەم ۆيزاسىز كەلە الادى. ۇكىمەت ۆيزالىق تەپە-تەڭدىككە قول جەتكىزۋ بىلاي تۇرسىن، ۆيزالىق شىعىنداردى ازايتۋمەن اينالىسىپ جاتىر ما؟» – دەپ سۇرادى سىرتقى ىستەر ءمينيسترى مۇحتار تىلەۋبەردى «اشىق ۇكىمەت» الاڭىندا.
ءسىم باسشىسى ۆيزا بەرۋ ءۇشىن كونسۋلدىق الىم مولشەرىن قالىپتاستىرۋ ءاربىر مەملەكەتتىڭ ايرىقشا قۇزىرەتى بولىپ تابىلاتىنىن، ءبىراق سىرتقى ىستەر مينيسترلىگى ونىڭ قۇنىن تومەندەتۋ بويىنشا جۇمىس جۇرگىزىپ جاتقانىن اتاپ ءوتتى.