شارا قازاقستانداعى بالالار جىلى اياسىندا ۇيىمداستىرىلعان.
1963 جىلى «مەنىڭ اتىم قوجا» شىعارماسى جەلىسىمەن «قازاقفيلم» ستۋدياسى تۇسىرگەن بالالار فيلمىندەگى قوجا كەيىپكەرىنە ورناتىلعان ەسكەرتكىشتىڭ جالپى بيىكتىگى 183 سم، قولا، گرانيت ماتەريالدارىنان جاسالعان، دەپ حابارلايدى Almaty-akshamy.kz Egemen.kz-كە سىلتەمە جاساپ.
يدەيا اۆتورى - مۇرات قوجامقۇلوۆ.
ءمۇسىنشى - تالاپحان ازامات.
ايتا كەتسەك، «مەنىڭ اتىم قوجا» - 1957 جىلى جازىلعان، قازاق بالالار ادەبيەتىنىڭ وزىق تۋىندىلارىنىڭ ءبىرى سانالاتىن پوۆەست. اۆتورى – بالالار ادەبيەتىنىڭ كلاسسيگى بەردىبەك سوقپاقبايەۆ. ول ورىس، ۋكراين، فرانسۋز، ليتۆا، لاتىش، وزبەك تىلدەرىنە اۋدارىلعان. 1963 جىلى «قازاقفيلم» ستۋدياسىنىڭ وسى شىعارماسى بويىنشا جازىلعان كينوسەناريي ەكرانعا شىقتى.
ەسكەرتكىشتىڭ رەسمي اشىلۋى ەرتەڭ ساعات 11.00-دە «جەتىسۋ» ساياباعىندا وتەدى.