جۇڭگو شەكاراسىندا ورنالاسقان "باقتى" باقىلاۋ-وتكىزۋ پۋنكتىندە جەكە تۇلعالاردىڭ وتۋىنە ۋاقىتشا شەكتەۋ قويىلدى. بۇل جونىندە مەملەكەتتىك كىرىستەر كوميتەتىنىڭ باسپا ءسوز قىزمەتى مالىمدەدى. دەپ حابارلايدى اlmaty-akshamy.kz.
10 قاراشادان باستاپ قازاقستان مەن جۇڭگو اراسىندا ۆيزاسىز رەجيم جۇمىس ىستەي باستاعان ەدى. كەلىسىمگە سايكەس كورشى ەلدە ۆيزاسىز 30 كۇنگە دەيىن جۇرۋگە بولادى. وسىعان بايلانىستى قازاقستان-قىتاي ۋچاسكەسىندەگى وتكىزۋ پۋنكتتەرىندە جەكە تۇلعالاردىڭ ءوتۋ قارقىنى كۇشەيەدى دەپ كۇتىلۋدە.
قازىرگى ۋاقىتتا مەملەكەتتىك كىرىستەر كوميتەتى قازاقستان-قىتاي شەكاراسىنداعى وتكىزۋ پۋنكتتەرىن جاڭعىرتۋ جانە تەحنيكالىق جاراقتاندىرۋ بويىنشا جۇمىس جۇرگىزىپ جاتىر. ونىڭ ىشىندە اباي وبلىسىنداعى "باقتى" وتكىزۋ پۋنكتى دە بار.
“ءقازىر اتالعان پۋنكتتە شەكارادان ءوتۋ كەلىسىلگەن ۋاقىتشا تەحنولوگيا بويىنشا ىسكە اسىرىلادى. سايكەسىنشە، رەكونسترۋكسيالاۋ ۋاقىتىن باقىلاۋ بارىسىندا جەكە تۇلعالاردىڭ قاۋىپسىزدىگىن قامتاماسىز ەتۋ مۇمكىندىگى جوق. قوس تاراپ ازاماتتارىنىڭ قاۋىپسىزدىگىن قامتاماسىز ەتۋ ءۇشىن بيىل 10 قاراشادان باستاپ رەكونسترۋكسيالاۋ كەزەڭىندە اباي وبلىسى "باقتى (قازاقستان) – پوكيتۋ (قحر)" وتكىزۋ پۋنكتىندە جەكە تۇلعالاردى وتكىزۋدى ۋاقىتشا توقتاتادى”، - دەلىنگەن حابارلامادا.
شىعىس قازاقستان وبلىسىنىڭ مايقاپشاعاي (قازاقستان) – زيمۋناي (قحر)، جەتىسۋ وبلىسى "الاكول (قازاقستان) – الاشانكوۋ (قحر)"، نۇر جولى (قازاقستان) – قورعاس (قحر)"، الماتى وبلىسىنىڭ "قالجات (قازاقستان) – دۋلاتى (قحر)" وتكىزۋ پۋنكتتەرىندە جەكە تۇلعالار شتاتتىق رەجيمدە وتەدى.
كوميتەت مالىمەتىنشە قاۋىپسىزدىكتى قامتاماسىز ەتۋ ءۇشىن جەكە تۇلعالار تەك جوعارىدا اتالعان وتكىزۋ پۋنكتتەرى ارقىلى عانا قىتايعا وتە الادى.