تاجىك بيلىگى سيقىرشى، باقسى، بالگەر، ءتاۋىپ جانە بويتۇمار جاساۋشىلاردى الاياق دەپ تانيتىن ءارى وسىنداي لاس ىستەرمەن اينالىسقانداردى التى ايعا دەيىن قوعامدىق جۇمىسقا جەگۋ جازاسى قاراستىررىلعان شارانى قولعا الماق.
بۇل جايىندا islam.kz پورتالى تاسس اقپارات اگەنتتىگىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
وسى ماقساتتا اتالعان ەلدىڭ قىلمىستىق جانە اكىمشىلىك زاڭنامالارىنا ءتيىستى تۇزەتۋلەر ەنگىزىلەدى ءارى ولاردىڭ ارنايى ءتىزىمى جاسالادى. ءقازىردىڭ وزىندە سوراقى تىرلىككە جول بەرگەندەرگە 330 دوللار مولشەرىندە ايىپپۇل سالىنادى، ال قايتالانعان جاعدايدا بۇل سوما ەكى ەسەگە وسەدى – 660 دوللار. وسى ورايدا تاجىكستان پارلامەنتىنىڭ جوعارعى پالاتاسىنىڭ 2016 جىلى ەلدىڭ قىلمىستىق كودەكسىنە سيقىرلىقتا پايدالانىپ، توسەك قاتىناسىنا تارتقانداردى 3 جىلدان 6 جىلعا دەيىن باس بوستاندىعىنان ايىرۋ كوزدەلگەن تۇزەتۋ ەنگىزگەنىن ايتا كەتپەكپىز.