«الماتى – ءبىزدىڭ ورتاق ءۇيىمىز» اكسياسى اياسىندا بارلىق وقۋ ورىندارىندا «مەكتەپ اۋلاسىنىڭ ءوازيسى» لاندشافت ديزاين فەستيۆالى ءوتتى.
215 مەكتەپتىڭ اۋلالارىندا اباتتاندىرۋ جۇمىستارى اياسىندا 5-11 سىنىپ وقۋشىلارى 20 مىڭ گۇل، 430-دان استام جەمىس اعاشتارى، 200-دەن استام تۋي اعاشىن وتىرعىزدى، دەپ حابارلايدى اlmaty-akshamy.kz.
وقۋشىلار وقۋ عيماراتتارىنىڭ اۋلالارىن ادەمى جانە تارتىمدى ەتۋ ءۇشىن بەلسەندى جۇمىس جاسادى.
«ءبىز كوپ ۋاقىتىمىزدى مەكتەپتە وتكىزەمىز، سوندىقتان اۋلامىزدىڭ ادەمى جانە كوز تارتارلىق بولۋى وتە ماڭىزدى. ءبىز ءوزىمىز وتىرعىزعان، سۋارعان جانە كۇتكەن گۇلدەر مەن اعاشتاردىڭ ءوسىپ جاتقانىن كورگەندە قۋانامىز. ولاردى كورۋ ءۇشىن كۇن سايىن مەكتەپكە اسىعامىز»، - دەدى № 199 مامانداندىرىلعان گيمنازيا وقۋشىسى ليا اگەنتوۆا.
«مەكتەپ اۋلاسىنىڭ ءوازيسى» ۇزدىك جوبالارىنىڭ جەڭىمپازدارى 24 ساۋىردە ستۋدەنتتەر سارايىنداعى ەكولوگيا جانە بيولوگيا ورتالىعىندا وتەتىن «قىزعالداقتار» فەستيۆالىندە ماراپاتتالادى.
مەكتەپ اۋلاسى-بۇل وقۋ ورنىنىڭ كورسەتىلىم كارتاسى. ونىڭ سىرتقى ءتۇرى مەكتەپكە كەلۋشى جاقسى اسەر ەتۋى ءتيىس.
مەكتەپتىڭ ساۋاتتى جانە قىزىقتى كوگالداندىرىلعان اۋلاسى ونىڭ وقۋشىلارى مەن مۇعالىمدەرىنىڭ بەدەلىن ارتتىرادى، بارلىعىنىڭ كوڭىل-كۇيىن كوتەرەدى. سونداي-اق ادام دەنساۋلىعىنا وڭ اسەر ەتەدى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
