المالى اۋدانىنىڭ كوميۋنيتي ورتالىعىنىڭ جاستارى «الماتى – ءبىزدىڭ ورتاق ءۇيىمىز» كامپانياسى اياسىندا «Jas niet» اكسياسىن وتكىزدى. اكسيا ماقساتى – جالعىز تۇراتىن زەينەتكەرلەر مەن جەكە سەكتوردا تۇراتىن ەرەكشە قاجەتتىلىكتەرى بار قارتتاردىڭ اۋلالارىن تازالاۋعا كومەك كورسەتۋ.
ءىس-شارا اياسىندا جاستار زەينەتكەرلەردىڭ ءۇي اۋماعىن رەتكە كەلتىرىپ، قورشاۋلارىن بوياپ، اعاشتاردى اعارتۋعا جانە باسقا دا شارۋاشىلىق جۇمىستارىنا جاردەمدەستى. ناتيجەسىندە 20-عا جۋىق ۆولونتەر 2 كۇندە 16 ءۇيدىڭ شارۋاشىلىعىنا كومەكتەسىپ، ۇلكەندەردىڭ العىستارىنا بولەندى، دەپ حابارلايدى اlmaty-akshamy.kz.
ۆولونتەرلەردىڭ ايتۋىنشا، مۇنداي اكسيالار قاريالارعا قۇرمەت كورسەتۋدىڭ ءبىر بەلگىسى دەيدى.
«مۇنداي اقسيالاردى الماتى جاستارى ءجيى وتكىزىپ تۇرادى. جالعىز تۇراتىن جانە كومەكككە مۇقتاج قاريالارعا كومەك كورسەتۋ ءبىزدىڭ مىندەتىمىز دەپ بىلەمىز. اكسيا اياسىندا ءبىز تەك اۋلالاردى رەتكە كەلتىرىپ قانا قويماي، سونىمەن قاتار زەينەتكەرلەر ءۇشىن ازىق-تۇلىك جيىنتىقتارى مەن شايعا تاتتىلەر تۇرىندە شاعىن سىيلىقتار الىپ كەلدىك»، - دەيدى زەرە ماقسۇتحان.
ەستەرىڭىزگە سالا كەتەيىك، «الماتى – ءبىزدىڭ ورتاق ءۇيىمىز» اكسياسى اياسىندا جۇمىسپەن قامتۋ جانە الەۋمەتتىك باعدارلامالار باسقارماسى «جاقىنىڭا جاردەم بەر» اكسياسىن وتكىزۋ تۋرالى باستاما جاريالادى. بۇل باستاما ۇوس ارداگەرلەرى، قارتتار مەن مۇمكىندىگى شەكتەۋلى جاندار تۇراتىن جەكە تۇرعىن ۇيلەردىڭ قورشاۋى مەن ءۇي ماڭىنداعى اۋماقتىڭ ەستەتيكالىق مازمۇنىن جاقسارتۋعا باعىتتالعان. بۇل ۋچاسكەلەردە قورشاۋدى، قاقپانى سىرلاۋ، ىرگەلەس اۋماقتى قوقىستان تازارتۋ جانە ت.ب.س.س. جۇمىستار جۇرگىزۋ قاجەت.
ءىس-شاراعا قالانىڭ بارلىق تۇرعىنرى قاتىسا الادى. قاتىسۋشىلارعا قورشاۋدى، قاقپانى ىرلاۋعا ارنالعان بوياۋلار مەن ەرىتكىشتەر تەگىن بەرىلەدى (ءبىر ادامعا 2 كەلىگە دەيىن بوياۋ بەرىلەدى).
قاتىسۋ ءۇشىن مىنا نومىرلەر بويىنشا اۋداندىق كورىكتەندىرۋ بولىمىندەگى جاۋاپتى تۇلعالارعا جۇگىنۋ قاجەت:
1. الاتاۋ اۋدانى: ۆەسەلوۆ كوشەسى، 18 «ا» (تالعات +7 708 502 03 68).
2. المالى اۋدانى: تولە بي كوشەسى، 67 (نۇرداۋلەت +7 775 888 77 55).
3. اۋەزوۆ اۋدانى: مامىر-1 ش/ا.، 26/1 (باۋىرجان +7 707 008 09 13).
4. بوستاندىق اۋدانى: تاجىبايەۆ كوشەسى، 155 "ا" (ليديا +7 777 684 99 44).
5. جەتىسۋ اۋدانى: تيحوۆ كوشەسى، 87 «ا» (نۇربەرگەن +7 747 772 74 78).
6. مەدەۋ اۋدانى: پۋشكين كوشەسى، 72 (ابىلاي +7 778 111 55 44).
7. ناۋرىزباي اۋدانى: بايسۇلتانوۆ كوشەسى، (وڭالبەك +7 707 300 03 55).
8. تۇركسىب اۋدانى: شولوحوۆ كوشەسى، 9 (بولات +7 747 139 93 60).
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.