ءماجىلىس دەپۋتاتتارى "ماسس-مەديا تۋرالى" زاڭ جوباسىن ىلەسپە تۇزەتۋلەرىمەن ءبىرىنشى وقىلىمدا ماقۇلدادى.
نەگىزگى زاڭ جوباسى مەملەكەت مۇددەسىن، قوعامنىڭ سۇرانىسىن جانە مەديا سالاسىنىڭ دامۋ ۇردىستەرىن ەسكەرە وتىرىپ، بۇقارالىق اقپارات قۇرالدارى تۋرالى زاڭنامانى جەتىلدىرۋگە باعىتتالعان، دەپ حابارلايدى اlmaty-akshamy.kz.
"قۇجاتتا جۋرناليستەردىڭ مارتەبەسىن كوتەرۋ، قۇقىقتارىن نىعايتۋ، سونداي-اق ولاردىڭ مىندەتتەرىن كەڭەيتۋ بويىنشا جاعداي جاساۋ قاراستىرىلعان. ول ءۇشىن ب ا ق ماتەريالدارىنا ءۇش جىلدىق ەسكىرۋ مەرزىمىن بەلگىلەۋ جانە مەملەكەتتىك ورگانداردىڭ باق-تىڭ جازباشا وتىنىشتەرىن قاراۋىن 7 جۇمىس كۇنىنەن 5 جۇمىس كۇنىنە دەيىن قىسقارتۋ ۇسىنىلادى"، - دەپ جازىلعان ءماجىلىس حابارلاماسىندا.
سونىمەن قاتار جىل سايىن جۋرناليستەردىڭ قۇقىقتارى مەن بوستاندىقتارىنىڭ ساقتالۋىنا تالداۋ، ولاردىڭ جاعدايىن باعالاۋ جانە ءتيىستى ۇسىنىمدارى بار ۇلتتىق بايانداما دايىندالادى.
2025 جىلدان باستاپ مەملەكەتتىك ەمەس ب ا ق رەسپۋبليكالىق دەڭگەيدە گرانتتىق قارجىلاندىرۋعا كوشەدى. وتاندىق تەلەراديو حابارلارىن تاراتۋدى دامىتۋ ماقساتىمەن سپۋتنيكتىك تەلەراديو حابارلارىن تاراتۋ وپەراتورلارى شىعىندارىنىڭ ءبىر بولىگى سۋبسيديالانادى. سونىمەن قاتار جۋرناليستەردى اككرەديتتەۋدىڭ ءبىرىڭعاي جۇيەسىن ەنگىزۋ ماسەلەسى قاراستىرىلادى.