ءماجىلىس وقۋشىلار قانداي جاعدايدا سمارتفوندى پايدالانا المايتىنىن ءتۇسىندىردى.
قازاقستاندا مەكتەپ وقۋشىلارىنا ساباقتا تەلەفوندى پايدالانۋعا تىيىم سالۋ زاڭنامامەن بەكىتىلەدى. ءتيىستى نورما ءماجىلىس قابىلداپ، سەناتقا جولداعان ءبىلىم تۋرالى زاڭدا قاراستىرىلعان، دەپ حابارلايدى اlmaty-akshamy.kz.
زاڭدى قاراۋ بارىسىندا دەپۋتات اسحات ايماعامبەتوۆ مۇعالىمدەردى تولعاندىرعان ماسەلەلەردىڭ ءبىرى – وقۋشىلاردىڭ ساباق كەزىندە تەلەفون پايدالانۋىنا زاڭنامادا ناقتى شەكتەۋلەردىڭ جوقتىعى ەكەنىن ايتتى. وسىعان بايلانىستى زاڭدا ساباق كەزىندە تەلەفوندى پايدالانۋدى شەكتەيتىن نورما قاراستىرىلعان.
دەپۋتات ارداق نازاروۆ مەكتەپ وقۋشىلارى سمارتفونداردى قانداي جاعدايدا جانە قانداي ماقساتتا پايدالانا الاتىنىن سۇرادى. ماجىلىسمەن گادجەتتەر ساقتالاتىن وقۋ ورىندارىندا ارنايى جاشىكتەر ورناتىلا ما، جوق پا – سونى ءتۇسىندىردى.
"بۇل ماسەلە كوپتەن بەرى تالقىلانىپ كەلەدى. نورما تەك ساباق كەزىندەگى شەكتەۋلەرگە قاتىستى، ال بالا ۇيالى تەلەفونىن مەكتەپكە اكەلىپ، ءۇزىلىس كەزىندە پايدالانا الادى. وسىعان بايلانىستى ەشقانداي شەكتەۋلەر جوق. ساباق كەزىندە بالا تەك وقۋى كەرەك، ياعني قاندايدا ءبىر الەۋمەتتىك جەلىلەردى پايدالانباۋى كەرەك. ءقازىر بىزدە زاماناۋي ماماندار كوپ، ءتۇرلى قوسىمشالاردى قولداناتىن مۇعالىمدەر كوپ. مۇعالىمدەر الدەبىر يننوۆاسيالىق ادىستەردى قولدانۋ ءۇشىن ۇيالى تەلەفوندى پايدالانا الادى"، – دەپ جاۋاپ بەردى اسحات ايماعامبەتوۆ.
ونىڭ ايتۋىنشا، دەپۋتاتتار تەلەفونداردى ساقتايتىن جەكە ۇياشىقتار ورنالاستىرۋدى قاراستىرمايدى.
ال وقۋ-اعارتۋ ۆيسە-مينيسترى ەدىل وسپان ۆەدومستۆونىڭ №70 بۇيرىعىندا وقۋشىلاردىڭ زاتتارىن، ونىڭ ىشىندە تەلەفونداردى ساقتاۋعا ارنالعان ارنايى جاشىكتەردى پايدالانۋ قاراستىرىلعانىن ءتۇسىندىردى. دەگەنمەن، ول سيفرلاندىرۋ زامانىندا مەملەكەتتىڭ بالالاردىڭ اقپارات ىزدەۋ ءۇشىن گادجەتتەردى پايدالانۋىنا كەدەرگى بولماۋى كەرەكتىگىن دە ايتتى.