ءوزىن بانكروت دەپ جاريالاماق بولعان قازاقستاندىقتار تولىق اقپاراتتى قايدان بىلە الادى؟ بۇل ساۋالعا پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆ جاۋاپ بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وتكەن جىلى 30 جەلتوقساندا مەملەكەت باسشىسى «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭعا قول قويىلدى. اتالعان قۇجات بيىل 1 قاڭتاردا رەسمي تۇردە جاريالانىپ، 3 ناۋرىزدان باستاپ بانكروتتىق تۋرالى وتىنىشتەردى قابىلداۋ باستالادى.
«ءقازىر ۇيىمداستىرۋ جانە تەحنيكالىق ءىس-شارالار ءجۇرىپ جاتىر. الدىمەن ب ا ق جانە قىزمەت كورسەتۋ ورتالىقتارىندا اقپاراتتىق سۇيەمەلدەۋ ۇيىمداستىرىلۋدا. بانكروتتىققا قاتىستى ءتيىستى اقپارات بۇقارالىق اقپارات قۇرالدارىندا جاريالانادى. مينيسترلىك پەن وعان باعىنىستى ۆەدومستۆولاردىڭ سايتتارىندا ءتۇسىندىرۋ اقپاراتى ورنالاستىرىلىپ، ازاماتتارعا SMS تاراتىلىپ جاتىر. سونداي-اق، ازاماتتار قىزمەت كورسەتۋ ورتالىقتارى ارقىلى كەڭەس الۋىنا بولادى. ولارعا بانكروتتىق زاڭنىڭ نەگىزگى ەرەجەلەرى ءتۇسىندىرىلىپ، جادىناما تاراتىلادى»، - دەدى ەرۇلان جاماۋبايەۆ ۇكىمەت وتىرىسىندا.
ودان بولەك، ءمينيستردىڭ ايتۋىنشا، ءقازىر «ازاماتتارعا ارنالعان ۇكىمەت» بايلانىس ورتالىقتارى جانە مەملەكەتتىك كىرىستەر كوميتەتى ارقىلى ءتۇسىندىرۋ جۇمىستارى ءجۇرىپ جاتىر. جىل باستالعالى 4 جانە 5 قاڭتاردا 570 ادام بانكروتتىققا قاتىستى كەڭەس العان.
«اكىمدىكتەر دە مەملەكەتتىك ورگانداردىڭ وڭىرلىك بولىمشەلەرى، بانكتەر، حالىققا قىزمەت كورسەتۋ ورتالىقتارى جانە حالىقتى جۇمىسپەن قامتۋ ورتالىقتارى باسشىلارىنىڭ قاتىسۋىمەن ازاماتتاردىڭ بانكروتتىق راسىمدەرىن ۇيىمداستىرۋ بويىنشا كەڭەستەر وتۋدە. مەملەكەتتىك كىرىستەر باسقارماسىنىڭ قىزمەتكەرلەرى وقىپ جاتىر. كۇن سايىن «ازاماتتارعا ارنالعان ۇكىمەت» جانە مەملەكەتتىك كىرىستەر كوميتەتىنىڭ قىزمەتكەرلەرىمەن بىرگە ونلاين-كونفەرەنسيالار وتكىزىلەدى، وندا زاڭ نورمالارى تۇسىندىرىلۋدە، سونداي-اق ازاماتتاردان كەلىپ تۇسەتىن پروبلەمالىق ماسەلەلەر تالقىلانۋدا»، - دەيدى ول.