بانك قويماسىنداعى قاراجاتتى تەكسەرۋ كەزىندە 602 900 000 تەڭگە جەتىسپەيتىنى انىقتالعان.
قىزىلوردا وبلىسىندا بانك قىزمەتكەرى 600 ملن تەڭگەدەن استام قارجىنى ۇرلاپ كەتكەن. ۇرلىق فاكتىسى بويىنشا قما وڭىرلىك دەپارتامەنتى تەرگەۋ جۇرگىزۋدە، – دەپ حابارلادى Almaty-akshamy.kz. ق ر قارجى مونيتورينگى اگەنتتىگىنىڭ باسپا ءسوز قىزمەتى.
كونتروللەر-كاسسير شامامەن 1 000 000 تەڭگەدەن 4 000 000 تەڭگەگە دەيىن اقشانى بولشەكتەپ، كاسسادان ۇرلاعانى انىقتالدى.
بانكتىڭ 2021-2023 جىلدار ارالىعىنداعى بەينەباقىلاۋ كامەرالارىنىڭ جازبالارى تاركىلەندى، وندا كاسسادان حالاتتىڭ جەڭىنە ورالعان اقشالاردى شىعارۋ ارقىلى ۇرلاۋ فاكتىلەرى تىركەلگەن.
كۇدىكتى جاساعان قىلمىستىق قۇقىقبۇزۋشىلىقتى تولىق مويىندادى.
سوتقا دەيىنگى تەرگەپ-تەكسەرۋ بارىسىندا بۋكمەكەرلىك كەڭسەدەن ونىڭ اتىنا تىركەلگەن شوتىنان اقپارات الىنىپ، سوڭعى 3،5 جىلدا ەسەپشوتقا 158 ملن تەڭگە تۇسكەنى انىقتالدى.
سونىمەن قاتار ونىڭ اتىنا جانە جۇبايىنىڭ اتىنا تىركەلگەن ابونەنتتىك نومىرلەردەن بۋكمەكەرلىك كەڭسەلەردىڭ ەسەپشوتىنا اقشا اۋدارۋ بويىنشا وپەراسيالار جۇرگىزىلگەنى تۋرالى اقپارات كەلىپ ءتۇستى.
كۇدىكتى قاماۋعا الىنىپ، ۋاقىتشا ۇستاۋ يزولياتورىنا قامالدى.
سوتقا دەيىنگى تەرگەۋ جالعاسۋدا. ق ر قپك-نىڭ 201-بابىنا سايكەس وزگە مالىمەتتەر جاريا ەتىلۋگە جاتپايدى.
ق ر كونستيتۋسياسىنىڭ 77-بابى 3-تارماعى 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىقبۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.