ق ر مادەنيەت جانە سپورت مينيسترلىگى جاريالاعان «ايبوز» ۇلتتىق ادەبي سىيلىعىنا بۇگىنگە دەيىن 64 ءوتىنىش تۇسكەن، دەپ حابارلايدى Almaty-akshamy.kz Zakon.kz-كە سىلتەمە جاساپ.
ونىڭ ىشىندە «ۇزدىك پروزا» نوميناسياسىنا – 26 شىعارما، «ۇزدىك دراما» – 2 ءوتىنىم، «ۇزدىك پوەزيا» - 21، «ۇزدىك ادەبي سىن» اتالىمى بويىنشا – 1 ءوتىنىم، «ۇزدىك ادەبي اۋدارما» - 4، «ۇزدىك بالالار ادەبيەتى» - 8، «ۇزدىك كوميكس» - 2 ءوتىنىم.
ادەبي سىيلىقتىڭ جالپى جۇلدە قورى – 35 ملن تەڭگە. ءار نوميناسياعا 5 ملن تەڭگەدەن قاراستىرىلعان. ۇمىتكەرلەردىڭ ءوتىنىمى 2023 جىلعى 1 مامىر مەن 1 قىركۇيەك ارالىعىندا www.aiboz.kz سايتى ارقىلى قابىلدانادى. ادەبي سىيلىق جىل سوڭىندا تابىستالادى. بايقاۋعا وتاندىق قالامگەرلەر قاتىسا الادى جانە ۇمىتكەرلەردىڭ جاس ەرەكشەلىگىنە شەكتەۋ جوق.
"ايبوز" – وتاندىق قالامگەرلەرگە مەملەكەت تاراپىنان قولداۋ كورسەتۋ جانە ىنتالاندىرۋ ماقساتىندا مادەنيەت جانە سپورت مينيسترلىگى ۇيىمداستىراتىن ۇلتتىق ادەبي سىيلىق.
«بايقاۋعا بۇرىن-سوڭدى ەش جەردە جاريالانباعان شىعارمالار عانا قابىلدانادى. بۇل قازاق ادەبيەتىنىڭ قورى 7 نوميناسيا بويىنشا جۇزدەگەن جاڭا تۋىندىمەن تولىعادى دەگەن ءسوز. سونىمەن قاتار قالامگەرلەر اراسىندا باسەكە پايدا بولىپ، سونىڭ ناتيجەسىندە وقىرمانعا وزەكتى، قىزىق ءارى زاماناۋي شىعارمالار جول تارتادى»،- دەدى ق ر مسم ارحيۆ، قۇجاتتاما جانە كىتاپ ءىسى كوميتەتى كىتاپ ءىسى باسقارماسىنىڭ باسشىسى الماز مىرزاحمەت.