اتىراۋ قالاسىنىڭ تۇرعىنى باتۋمي قالاسىندا ادەپسىز قىلىق جاسادى. قازاقستاندىق تۋريست ايگىلى بوتانيكالىق باققا بارعان كەزدە سيرەك كەزدەسەتىن بامبۋك وسىمدىگىنە زاقىم كەلتىرگەن، دەپ حابارلايدى aqshamnews.kz.
تۋريست ايەل باقتاعى وسىمدىكتىڭ ساباعىنا «ءوزىن ەستەلىك رەتىندە قالدىرۋدى» ويلاپ، عاشىقتاردىڭ ەسىمدەرىن ويىپ جازىپ كەتكەن. بۇل ارەكەت باققا كەلۋشىلەردىڭ نارازىلىعىن تۋدىردى.
«مەن ەسكەرتۋ جاسادىم، ءبىراق كورىپ وتىرعاندارىڭىزداي، قىز ەش الاڭداماي، ارەكەتىن جالعاستىرىپ جاتىر»، — دەپ جازدى وقيعانىڭ كۋاگەرى بولعان گرۋزين تۇرعىنى الەۋمەتتىك جەلىدە.
تۋريست ايەلدىڭ بۇل ارەكەتىنە ب ا ق اكىمشىلىگى دە رەنىش ءبىلدىردى. اكىمشىلىك باتۋميدەگى بوتانيكالىق باقتىڭ تەك تانىمال تۋريستىك ورىن عانا ەمەس، سيرەك كەزدەسەتىن وسىمدىكتەردى ساقتاۋ ورنى ەكەنىن ەسكە سالدى.
كەرەك دەرەك
باتۋميدەگى بوتانيكالىق ب ا ق الەمدەگى ەڭ ءىرى باقتاردىڭ ءبىرى بولىپ تابىلادى (اۋدانى 100 گەكتاردان اسادى) جانە مۇندا وسىمدىكتەردىڭ ەرەكشە تۇرلەرىنىڭ بىرەگەي كوللەكسيالارى بار.